14 ستمبر ، 2023 
پاکستان نے طورخم سرحد کھولنےکا فیصلہ کرلیا
14 ستمبر ، 2023
افغان حکومت کی جانب سے پاکستان کے خلاف اپنی سرزمین استعمال نہ ہونےکی ایک بار پھر یقین دہانی کے بعد پاکستان نے طورخم سرحد کھولنےکا فیصلہ کرلیا۔
ذرائع کے مطابق افغان حکام نے اپنی سرزمین پاکستان کے خلاف استعمال نہ ہونے کی یقین دہانی کرائی ہے۔
افغان حکام کی نئی یقین دہانی کے بعد پاکستان کا طورخم سرحد کھولنےکا فیصلہ کیا ہے۔
کسٹم حکام کے مطابق طورخم گزرگاہ تجارتی سرگرمیوں کے لیے کل سے کھول دی جائے گی، امپورٹ، ایکسپورٹ سمیت ٹرانزٹ گاڑیوں کی آمدو رفت کل سے بحال ہو جائےگی۔
کسٹم حکام کا کہنا ہےکہ طورخم سرحد 9 دنوں سے بند ہے، دونوں اطراف ہزاروں کارگو گاڑیاں پھنسی ہیں۔
ایف آئی اے حکام کا کہنا ہےکہ طورخم گزرگاہ پیدل آمدورفت کے لیے بھی کل صبح سےکھل جائے گی، 6 ستمبرکو پاک افغان کشیدگی کے باعث سرحد کو بند کردیا گیا تھا۔
