صبح اچھا ناشتہ کرنے کا بہترین فائدہ سامنے آگیا

ہمارے جسم کی اندرونی گھڑی ہمیں دن بھر مستعد رکھتی ہے اور رات کو تھکاوٹ کا احساس دلاتی ہے۔

مگر سفر، مختلف شفٹوں میں ملازمت (شام یا رات کی شفٹ)، نومولود بچے کی نگہداشت یا نیند کے شیڈول کو متاثر کرنے والی ہر چیز اندرونی گھڑی کے نظام کو متاثر کرتی ہے۔

جسمانی گھڑی متاثر ہونے سے مخصر المدت میں تھکاوٹ، بے خوابی یا بدہضمی جیسے مسائل کا سامنا ہوتا ہے مگر طویل المعیاد بنیادوں پر سنگین امراض جیسے دل کی شریانوں کے امراض، ذیابیطس، ڈپریشن اور کینسر کا خطرہ بڑھ سکتا ہے۔

مگر اب ایک نئی تحقیق میں بتایا گیا ہے کہ صبح اچھا ناشتہ کرنا جسمانی گھڑی کو متاثر ہونے سے بچانے میں مدد فراہم کر سکتا ہے۔

وہ عام عادت جو فالج اور ہارٹ اٹیک کا شکار بنا سکتی ہے

بے وقت بھوک لگنے پر لوگوں کا غذائی انتخاب فالج، ہارٹ اٹیک اور امراض قلب کا شکار بنانے میں کردار ادا کر سکتا ہے۔

امریکا کی نارتھ ویسٹرن یونیورسٹی کی تحقیق میں بتایا گیا کہ شواہد سے عندیہ ملتا ہے کہ صبح اچھا ناشتہ اور رات کے کھانے سے گریز کرنا جسمانی گھڑی کو درست رکھنے میں مددگار ثابت ہوتا ہے۔

اس تحقیق کے لیے محققین نے ایک ریاضیاتی ماڈل تیار کیا جس سے ان کے لیے جسمانی گھڑی کے جسمانی خلیات اور ٹشوز سے رابطوں کو جانچنا ممکن ہوگیا۔

محققین نے بتایا کہ ہم نے روشنی (دماغ) اور غذا (جگر) کے حوالے سے جسمانی گھڑی کے ردعمل کا جائزہ لیا۔

موت کے وقت لوگوں کو کیا تجربات ہوتے ہیں؟

اس تحقیق میں ایسے مریضوں کو شامل کیا گیا تھا جن کو 'تکنیکی طور پر مردہ' قرار دیا گیا تھا مگر وہ موت کے منہ سے لوٹ آئے۔

تحقیق کے لیے ایک شخص پر تجربہ کرتے ہوئے اسے نیویارک سے پیرس کا ورچوئل سفر کرایا گیا (دونوں شہروں کے وقت میں 6 گھنٹے کا فرق ہے)۔

نتائج سے معلوم ہوا کہ ٹائم زون میں تبدیلی کے باعث طاری ہونے والی تھکاوٹ، سستی اور دیگر مسائل (اس مسئلے کے لیے جیٹ لیگ کی اصطلاح استعمال ہوتی ہے) کا دورانیہ کم کرنا ممکن ہے۔

تحقیق میں بتایا گیا کہ عموماً جیٹ لیگ پر قابو پانے میں کسی فرد کو 9 دن کا وقت لگتا ہے مگر ناشتے کی مقدار میں دوگنا اضافے اور رات کے کھانے سے گریز سے ایسا 5 دن میں ممکن ہو سکتا ہے۔

متعدد افراد کی وہ عام عادت جو جلد بوڑھا بنا سکتی ہے

تمباکو نوشی سے بڑھاپے کی جانب سے سفر تیز ہو جاتا ہے۔

محققین کے مطابق صبح اچھا ناشتا کرنے سے جسمانی گھڑی کو درست رکھنے میں مدد مل سکتی ہے جبکہ جیٹ لیگ کے اثرات سے نمٹنا بھی آسان ہو جاتا ہے۔

اس سے قبل تحقیقی رپورٹس میں دریافت کیا گیا تھا کہ ناشتے سے نہ صرف جسمانی گھڑی متحرک ہوتی ہے بلکہ اس سے جسمانی وزن کو کم کرنے اور بلڈ شوگر کی سطح بہتر بنانے میں مدد مل سکتی ہے۔

ماہرین نے بتایا کہ نئی تحقیق کے نتائج اس مشورے سے مطابقت رکھتے ہیں جس میں کہا گیا ہے کہ سونے سے قبل بہت زیادہ کھانے سے گریز کرنا چاہیے۔

رات گئے تک جاگنے کی عادت ایک سنگین مرض کا شکار بنا سکتی ہے

رات گئے تک جاگنے کی عادت لوگوں کو ذیابیطس ٹائپ 2 جیسے دائمی مرض کا شکار بنا سکتی ہے۔

محققین کی جانب سے اس حوالے سے اب مزید تحقیق کی منصوبہ بندی کی جا رہی ہے تاکہ معلوم ہوسکے کہ ناشتے کی کتنی مقدار زیادہ مددگار ثابت ہوسکتی ہے۔

اس تحقیق کے نتائج جرنل Chaos میں شائع ہوئے۔