رات گئے تک جاگنے کی عادت ایک سنگین مرض کا شکار بنا سکتی ہے

رات گئے تک جاگنا کچھ افراد کی عادت ہوتی ہے اور یہ ان کے طرز زندگی کے معمولات کا حصہ بن جاتی ہے۔

انسان سونے کے لیے اپنی مرضی کا وقت کا انتخاب کرسکتے ہیں اور وہ رات گئے تک جاگنے یا جلد سو کر علی الصبح اٹھ سکتے ہیں۔

مگر رات گئے تک جاگنے کی عادت لوگوں کو ذیابیطس ٹائپ 2 جیسے دائمی مرض کا شکار بنا سکتی ہے۔

یہ انتباہ امریکا میں ہونے والی ایک طبی تحقیق میں سامنے آیا۔

ذیابیطس سے متاثر ہونے کی 8 انتباہی نشانیاں

ذیابیطس کا سامنا ہر عمر کے افراد کو ہوسکتا ہے مگر حیران کن طور پر متعدد افراد کو مرض کی علامات کا ہی علم نہیں ہوتاْ

بریگھم اینڈ ویمنز ہاسپٹل اور ہارورڈ میڈیکل اسکول کی اس تحقیق میں بتایا گیا کہ رات گئے تک جاگنے والے افراد میں ذیابیطس کے ساتھ ساتھ صحت کے لیے نقصان دہ مختلف عادات اپنانے کا خطرہ بہت زیادہ ہوتا ہے۔

تحقیق میں دریافت کیا گیا کہ رات گئے تک جاگنے والے افراد اکثر صحت کے لیے نقصان دہ غذاؤں کو کھانا پسند کرتے ہیں، جسمانی طور پر کم متحرک ہوتے ہیں، جسمانی وزن زیادہ ہوتا ہے، تمباکو نوشی کرتے ہیں اور 7 گھنٹوں سے کم سوتے ہیں، یہ سب عادات ذیابیطس سے متاثر ہونے کا خطرہ بڑھاتی ہیں۔

تحقیق کے مطابق ان عادات کے باعث رات گئے تک جاگنے والے افراد میں صبح جلد اٹھنے والوں کے مقابلے میں ذیابیطس سے متاثر ہونے کا خطرہ 72 فیصد زیادہ ہوتا ہے۔

وہ 6 عادات جن کو اپنا کر ڈپریشن کو خود سے دور رکھنا ممکن

ڈپریشن کے شکار افراد کو دماغی اور جسمانی دونوں طرح کے مسائل کا سامنا ہوتا ہے۔

اس تحقیق میں 64 ہزار درمیانی عمر کی خواتین کے 8 سال کے طبی ڈیٹا کی جانچ پڑتال کی گئ یتھی۔

ان خواتین نے نیند اور غذائی عادات رپورٹ کرنے کے ساتھ ساتھ اپنے جسمانی وزن، سونے کے وقت، تمباکو نوشی اور جسمانی سرگرمیوں کے بارے میں بھی بتایا تھا۔

ان خواتین میں سے 11 فیصد رات گئے تک جاگنے کی عادی تھیں جبکہ 35 فیصد صبح جلد اٹھنا پسند کرتی تھیں، باقی خواتین وہ تھیں جو نہ تو رات گئے تک جاگتی تھیں اور نہ ہی صبح جلد اٹھتی تھیں۔

معدے میں تیزابیت اور بدہضمی کا علاج آپ کے کچن میں موجود

بدہضمی اور معدے میں تیزابیت کے علاج کے لیے ہلدی ادویات جتنی ہی مؤثر ثابت ہو سکتی ہے۔

اس کے بعد محققین نے یہ بھی دیکھا کہ کتنی خواتین میں ذیابیطس کی تشخیص ہوئی ہے۔

نتائج سے معلوم ہوا کہ رات گئے تک جاگنے کی عادی خواتین میں ذیابیطس سے متاثر ہونے کا خطرہ دیگر کے مقابلے میں بہت زیادہ ہوتا ہے۔

تاہم محققین کا کہنا تھا کہ یہ خطرہ ایسے افراد میں زیادہ ہوتا ہے جو رات گئے تک جاگنے کے بعد دن میں کام کرتے ہیں، ایسے افراد میں یہ خطرہ کم ہوتا ہے جو سہ پہر یا شام میں ملازمت کرتے ہیں۔

بلڈ شوگر جیسے مسئلے سے بچنے کا آسان ترین طریقہ

ذیابیطس کی تمام اقسام میں ایک چیز مشترک ہے اور وہ خون میں شکر کی مقدار بڑھ جانا جسے بلڈ شوگر کہا جاتا ہے۔

انہوں نے بتایا کہ اگر رات گئے تک جاگنے والے افراد ناقص غذا، نیند کی کمی اور دیگر نقصان دہ عادات کو خود سے دور رکھتے ہیں تو پھر ذیابیطس سے متاثر ہونے کا خطرہ 72 فیصد سے گھٹ کر 19 فیصد تک آجاتا ہے۔

انہوں نے مزید بتایا کہ اس سے ثابت ہوتا ہے کہ اگر کوئی فرد صحت مند طرز زندگی کو اپناتا ہے مگر رات گئے تک جاگنے کا عادی ہوتا ہے، تو بھی اس میں دیگر کے مقابلے میں ذیابیطس سے متاثر ہونے کا خطرہ زیادہ ہوتا ہے۔

اس تحقیق کے نتائج جرنل Annals of Internal Medicine میں شائع ہوئے۔

ڈپریشن کے شکار افراد میں ذیابیطس سے متاثر ہونے کا خطرہ بہت زیادہ ہوتا ہے، تحقیق

ڈپریشن براہ راست ذیابیطس ٹائپ 2 کا شکار بنانے والا مرض ثابت ہو سکتا ہے۔

یہ پہلی تحقیق نہیں جس میں رات گئے تک جاگنے اور مختلف امراض سے متاثر ہونے کے خطرے کے درمیان تعلق ثابت کیا گیا ہے۔

جون 2023 میں فن لینڈ کے انسٹیٹیوٹ آف Occupational Health کی تحقیق میں بتایا گیا تھا کہ رات گئے تک جاگنے کی عادت سے قبل از وقت موت کا خطرہ بڑھتا ہے۔

اس تحقیق میں 24 ہزار کے قریب جڑواں افراد کو شامل کیا گیا تھا اور ان کا جائزہ 1981 سے 2018 تک لیا گیا۔

سائنسدانوں نے جگر کے عام ترین مرض سے بچانے میں مددگار غذا شناخت کرلی

جگر پر چربی چڑھنے کا مرض ایک دائمی عارضہ ہے جس کا سامنا دنیا بھر میں کروڑوں افراد کو ہوتا ہے۔

تحقیق میں بتایا گیا کہ رات گئے تک جاگنے والے افراد میں قبل از وقت موت کا خطرہ نمایاں حد تک بڑھ جاتا ہے کیونکہ وہ تمباکو نوشی اور ناقص غذا استعمال کرنے کو صبح جلد جاگنے والوں کے مقابلے میں زیادہ ترجیح دیتے ہیں۔

محققی نے ان افراد کی اموات کے ریکارڈ کا جائزہ لیا اور دریافت ہوا کہ رات گئے تک جاگنے والے افراد میں قبل از وقت موت کا خطرہ دیگر کے مقابلے میں 9 فیصد زیادہ ہوتا ہے۔

ستمبر 2022 میں امریکا کی Rutgers یونیورسٹی کی تحقیق میں بتایا گیا تھا کہ رات گئے تک جاگنے والے افراد میں امراض قلب اور ذیابیطس کا خطرہ صبح جلد اٹھنے والوں کے مقابلے میں زیادہ ہوتا ہے۔

نیند کی کمی کس طرح دماغ کو نقصان پہنچاتی ہے؟

نیند کی کمی سے نہ صرف چڑچڑا پن بڑھتا ہے بلکہ اس سے الزائمر اور دیگر دماغی امراض کا خطرہ بھی بڑھ جاتا ہے۔

تحقیق میں بتایا گیا کہ رات گئے تک جاگنے والے افراد میں ذیابیطس اور امراض قلب کا خطرہ اس لیے زیادہ ہوتا ہے کیونکہ ان کے جسم کی چربی کو توانائی کے لیے گھلانے کی صلاحیت کم ہوتی ہے۔

تحقیق کے مطابق رات گئے تک جاگنے والے افراد میں چربی زیادہ آسانی سے جمع ہوجاتی ہے۔

اسی طرح نومبر 2022 میں جرنل آف Affective Disorders میں شائع تحقیق میں بتایا گیا کہ رات گئے تک جاگنے والے افراد میں انزائٹی سے متاثر ہونے کا خطرہ صبح جلد جاگنے والوں کے مقابلے میں زیادہ ہوتا ہے۔

30 برسوں کے دوران جوان افراد میں کینسر کیسز کی شرح میں نمایاں اضافہ

تحقیق میں 50 سال سے کم عمر افراد میں کینسر کا خطرہ بڑھانے والے عناصر کے بارے میں بھی بتایا گیا۔

اٹلی، جرمنی اور چلی کے محققین کی اس تحقیق میں 40 افراد کو شامل کیا گیا تھا جن میں سے 20 رات گئے تک جاگنے کے عادی تھے جبکہ باقی ایسے تھے جو جلد سونے اور جاگنا پسند کرتے تھے۔

محققین نے بتایا کہ نتائج سے جسمانی گھڑی سے ذہن پر مرتب اثرات کے بارے میں علم ہوتا ہے اور یہ عندیہ ملتا ہے کہ رات گئے تک جاگنے سے انزائٹی کا خطرہ بڑھتا ہے کیونکہ ایسے افراد میں خوف یا ڈر سے متعلق ذہنی ردعمل دیگر افراد سے مختلف ہوتا ہے۔