رونگٹے کھڑے کر دینے والی 'دنیا کی سب سے زیادہ دہشت زدہ کر دینے والی آواز'

سائنسدانوں نے حال ہی میں ایک ایسی آواز کو دوبارہ تیار کیا ہے جسے انہوں نے 'دنیا کی سب سے زیادہ دہشت زدہ کر دینے والا ساؤنڈ' قرار دیا ہے۔

یہ قدیم آزٹیک سیٹی ہے جسے آزٹیک ڈیتھ وسل بھی کہا جاتا تھا۔

اس کی آواز سننے والے کے رونگٹے کھڑے کر دیتی ہے۔

خیال رہے کہ آزٹیک امریکا کے قدیم باشندوں میں سے شامل تھے اور انہوں نے 14 سے 16 ویں صدی کے دوران میکسیکو پر حکومت کی تھی۔

ان کی حکومت کو 16 ویں صدی میں اسپین سے آنے والی افواج نے ختم کیا تھا۔

اس عہد کے بعد ڈیتھ وسل کو ایک قدیم نوادر اس وقت قرار دیا گیا جب 1990 کی دہائی میں میکسیکو میں اس کی محفوظ نقل کو دریافت کیا گیا۔

بنیادی طور پر یہ ایک سیٹی نہیں بلکہ ایک کھوپڑی ہے۔

جی ہاں واقعی اور اسی کو مدنظر رکھتے ہوئے سائنسدانوں نے ڈیتھ وسل کو تیار کیا ہے۔

یہ کھوپڑی ایک دہشت زدہ کر دینے والی آواز خارج کرتی ہے اور مانا جاتا ہے کہ آزٹیک افراد اس وسل کو انسانی قربانی کے موقع پر استعمال کرتے تھے۔

ایسا بھی خیال کیا جاتا ہے کہ اس سیٹی کے ذریعے اس سے جنگوں کے دوران مخالفین کو خوفزدہ کیا جاتا تھا۔

ایک ویڈیو میں تھری ڈی پرنٹر سے تیار کی گئی آزٹیک ڈیتھ وسل کے بارے میں بتایا گیا۔

ویڈیو کے مطابق اسے دنیا کی سب سے زیادہ دہشت کر دینے والی آواز تصور کیا جاتا ہے اور یہ کوئی انسانی چیخ نہیں بلکہ ڈیتھ وسل سے نکلتی ہے جو دل کے اندر ڈر جگاتی ہے۔

اس سیٹی کا ڈیزائن کچھ ایسا ہے کہ جب اس میں پھونک ماری جاتی ہے تو ہوا 2 حصوں میں تقسیم ہو جاتی ہے جس کے باعث آواز کی لہریں دوسرے سوراخ سے خارج ہوتی ہیں۔

ویڈیو میں بتایا گیا کہ یہ آواز اس وقت زیادہ خوفزدہ کرتی ہے جب آپ کسی فرد کو سیٹی بجاتے نہ دیکھیں۔