گاڑیاں جلانے کا کیس، حماد اظہر، اسلم اقبال اور حسان نیازی اشتہاری قرار
07 اکتوبر ، 2023
لاہور کی انسداد دہشت گردی عدالت نے جناح ہاؤس کے نزدیک گاڑیاں جلانے کے مقدمے میں تحریک انصاف کے سابق وفاقی اور صوبائی وزرا سمیت 5 رہنماؤں کو اشتہاری قرار دے دیا۔
لاہورمیں انسداد دہشت گردی کی عدالت نے پولیس کی درخواست منظورکرتےہوئے دانستہ روپوش حماد اظہر، میاں اسلم اقبال، حسان نیازی، غلام عباس اور علی عباس کو اشتہاری قرار دیا۔
پولیس نے نشاندہی کی تھی کہ یہ رہنما مقدمے میں نامزد ہیں اور جان بوجھ کر منظر سے غائب ہیں۔
اس سے قبل عدالت نے حماد اظہر اور میاں اسلم اقبال سمیت دیگر کے ناقابل ضمانت وارنٹ گرفتاری جاری کیے تھے۔
ملزموں کے خلاف تھانہ سرور روڈ میں مقدمہ درج ہے جبکہ اسی مقدمے کے دیگر ملزم جوڈیشل ریمانڈ پر جیل میں ہیں۔
