جوڑوں کی تکلیف میں کمی لانے والے بہترین طریقے

کیا آپ جوڑوں کے درد میں مبتلا ہیں ؟ اگر ہاں تو آپ تنہا نہیں درحقیقت عمر کی چوتھی اور پانچویں دہائی میں اکثر افراد کو اس تکلیف کا سامنا ہوتا ہے۔

درحقیقت عمر بڑھنے کے ساتھ ہڈیاں بھی کمزور ہونے لگتی ہیں جس کے باعث جوڑوں کا درد لوگوں کو اپنا شکار بنالیتا ہے۔

عموماً یہ مرض خون میں یورک ایسڈ جمنے کے نتیجے میں ہوتا ہے۔

عام طورپر یہ یورک ایسڈ خون میں تحلیل ہوکر گردوں کے راستے پیشاب کے ذریعے نکل جاتا ہے مگر جب جسم میں اس کی زیادہ مقدار بننے لگے تو گردے اس سے نجات پانے میں ناکام رہتے ہیں۔

وہ 10 علامات جو ہارٹ اٹیک کا اشارہ ہو سکتی ہیں

ہارٹ اٹیک کی مخصوص علامات ہوتی ہیں جن کو محسوس کرکے لوگ فوری طبی امداد کے لیے رجوع کر سکتے ہیں۔

اس کے نتیجے میں یہ جوڑوں میں کرسٹل کی شکل میں جمنے لگتا ہے جس سے جوڑوں میں درد ہونے لگتا ہے۔

جوڑوں کے امراض کی متعدد اقسام ہیں اور لگ بھگ سب میں ورم کا کردار اہم ہوتا ہے۔

مگر اچھی بات یہ ہے کہ چند گھریلو ٹوٹکوں سے جوڑوں کی تکلیف میں کمی لانا ممکن ہے۔

درحقیقت ڈاکٹر بھی ان طریقوں کی حمایت کرتے ہیں۔

وہ عجیب چیزیں جو دماغ کو بدل دیتی ہیں

دماغ ایک پراسرار عضو ہے اور ابھی بھی ہمیں اس کے بارے میں بہت کچھ معلوم نہیں۔

اومیگا 3 سپلیمنٹس کا استعمال

تحقیقی رپورٹس سے ثابت ہوا ہے کہ اومیگا 3 فیٹی ایسڈز کے سپلیمنٹس کا استعمال جسمانی ورم میں کمی لاتا ہے اور اس سے جوڑوں کی تکلیف گھٹ جاتی ہے۔

پرو بائیوٹکس سے مدد لیں

ہمارے معدے میں موجود بیکٹریا جوڑوں کی صحت کے حوالے سے اہم کر دار ادا کرتے ہیں۔

یہی وجہ ہے کہ معدے میں موجود صحت کے لیے مفید بیکٹریا کی تعداد بڑھانا جوڑوں کے مسائل سے بھی تحفظ فراہم کرتا ہے۔

آخر بیشتر افراد کو دن بھر بیٹھنے کے باوجود تھکاوٹ کا سامنا کیوں ہوتا ہے؟

پورا دن بیٹھنے کے باوجود تھکاوٹ کیوں محسوس ہوتی ہے جیسے دن بھر مشقت کرتے رہے ہیں؟

اس مقصد کے لیے دہی کھانا بہتر ہوتا ہے کیونکہ اس میں موجود پرو بائیوٹکس سے معدے میں صحت کے لیے مفید بیکٹریا کی تعداد بڑھتی ہے۔

مراقبہ بھی مفید

اکثر آٹو امیون امراض (جن میں جسمانی مدافعتی نظام صحت مند خلیات پر حملہ آور ہو جاتا ہے) جیسے جوڑوں کے مسائل کی شدت تناؤ کے باعث بڑھ جاتی ہے۔

یہی وجہ ہے کہ تناؤ کو کنٹرول کرنے جوڑوں کی تکلیف کو کم رکھنے میں بھی مدد فراہم کرتا ہے اور مراقبہ تناؤ میں کمی لانے کا اچھا طریقہ ہے۔

وہ عام اور آسان عادات جو ذیابیطس جیسے مرض سے بچا سکتی ہیں

موجودہ عہد میں جوان افراد میں بھی یہ بیماری تیزی سے عام ہو رہی ہے۔

لونگ کا استعمال

لونگ میں ورم کو کم کرنے والے کیمیائی مرکبات موجود ہوتے ہیں۔

ایک تحقیق کے مطابق لونگ کا استعمال ایسے پروٹین کو جسم میں خارج ہونے سے روکتا ہے جو ورم کو بڑھاتا ہے۔

اس کے علاوہ لونگ میں اینٹی آکسائیڈنٹس بھی موجود ہوتے ہیں جو ہڈیوں کو کمزور ہونے کا عمل سست کردیتے ہیں۔

گاڑی میں سفر کے دوران متلی سے پریشان؟ اس سے بچنے کیلئے بہترین گھریلو ٹوٹکے جانیں

اسے طبی زبان میں موشن سکنس کہا جاتا ہے جس کے شکار افراد کو متلی، قے، سر چکرانے اور دیگر مسائل کا سامنا ہوتا ہے۔

ہلدی بھی مفید

ہلدی میں موجود اجزا ورم کش ہوتے ہیں اور کچھ تحقیقی رپورٹس میں اسے جوڑوں کی تکلیف کا سامنا کرنے والے افراد کے لیے ادویات جتنا مؤثر قرار دیا گیا ہے۔

اس کے لیے ہلدی کے سپلیمنٹس کا استعمال کیا جاسکتا ہے مگر اس حوالے سے ڈاکٹر سے مشورہ کرنا بہتر ہے۔

ہلکی پھلکی ورزش

چہل قدمی ایسی ورزش ہے جو جوڑوں کی تکلیف میں کمی لا سکتی ہے۔

وہ عام غلطیاں جس کے باعث جسمانی وزن میں کمی لانا ناممکن ہو جاتا ہے

ایسی عام عادات یا غلطیوں کے بارے میں جانیں جو جسمانی وزن میں کمی کی کوششوں کو ناکام بنادیتی ہیں۔

جسمانی سرگرمیوں سے جسمانی وزن میں کمی آتی ہے اور جوڑوں کی تکلیف میں اضافی جسمانی وزن اہم کردار ادا کرتا ہے۔

سبز چائے

سبز چائے پینے کی عادت سے بھی جسمانی ورم میں کمی لانے میں مدد ملتی ہے۔

ایک تحقیق میں دریافت کیا گیا کہ سبز چائے میں موجود ای جی سی جی نامی جز جسمانی ورم میں کمی لاتا ہے۔

منہ میں چھالوں سے نجات دلانے میں مددگار آسان طریقے

ن چھالوں کی وجہ سے زندگی مشکل محسوس ہوتی ہے اور اسی لیے لوگ انہیں ٹھیک کرنے کے لیے کافی کوششیں کرتے ہیں۔

ایک اور تحقیق میں بتایا گیا کہ سبز چائے پینے سے جوڑوں کی تکلیف کی شدت میں کمی آتی ہے۔

وٹامن ڈی

متعدد افراد میں جوڑوں کا درد وٹامن ڈی کی کمی کا نتیجہ بھی ہوتا ہے۔

تحقیقی رپورٹس کے مطابق جسم میں وٹامن ڈی کی سطح معمول پر رکھنا ہڈیوں کو نقصان سے بچاتا ہے جس کے نتیجے میں جوڑوں کا مرض آپ کو شکار نہیں کرتا۔

بیشتر افراد کو معدے کی تیزابیت کا سامنا کیوں ہوتا ہے؟

کئی بار معدے میں ایسڈ کی مقدار بڑھ جاتی ہے ج سے پیٹ اور سینے کے درمیان جلن کا احساس ہوتا ہے۔

جسم میں وٹامن ڈی کی سطح کو بڑھانے کے لیے روزانہ 10 سے 15 منٹ سورج کی روشنی میں رہنا فائدہ مند ثابت ہوتا ہے جبکہ دودھ، انڈے یا مچھلی جیسی غذائیں بھی وٹامن ڈی کے حصول کا بہترین ذریعہ ہیں۔

پسندیدہ موسیقی سنیں

پسندیدہ گانے سننے سے بھی تکلیف میں کمی آتی ہے کیونکہ اس سے ان ہارمونز کی سطح بڑھتی ہے جو تکلیف کی حساسیت کو کم کرتے ہیں۔

ایک تحقیق میں دریافت کیا گیا کہ کمر، گردن اور جوڑوں کی تکلیف کے شکار افراد جب اپنی پسند کے گانے سنتے ہیں تو ان کی تکلیف میں کمی آتی ہے۔

اخروٹ کھانے کے یہ 10 فوائد آپ کو ضرور پسند آئیں گے

اخروٹ میں چکنائی، فائبر، پروٹین، کاربوہائیڈریٹس، پوٹاشیم، وٹامن ای، میلاٹونین اور پولی فینولز جیسے اجزا موجود ہوتے ہیں۔

ادرک

ادرک کو پیس کر اس کے پیسٹ کو متاثرہ حصوں پر لگانے سے بھی جوڑوں کی تکلیف میں کمی لانے میں مدد مل سکتی ہے۔

اس پیسٹ میں زیتون کے تیل کو بھی شامل کریں اور متاثرہ حصے پر لگا کر 10 سے 15 منٹ تک چھوڑ دیں۔

ایک تحقیق میں دریافت کیا گیا کہ ادرک کا پیسٹ ایسے دماغی کیمیکل کی مقدار کم کرتا ہے جو مرکزی اعصابی نظام کو تکلیف کا سگنل پہنچانے کا کام کرتا ہے۔

کن افراد میں کینسر کا خطرہ سب سے زیادہ ہوتا ہے؟

کینسر کا خطرہ بڑھانے والے چند عناصر کی نشاندہی ہو چکی ہے جس سے عندیہ ملتا ہے کہ کس فرد میں اس بیماری کا خطرہ زیادہ ہے۔

ننگے پیر چلنا

ننگے پیر چلنے سے گھٹنوں کے جوڑوں پر دباؤ کم ہوتا ہے جس سے تکلیف میں کمی آتی ہے۔

ایک تحقیق میں دریافت کیا گیا کہ جوڑوں کے مریض جب جوتے پہن کر چلتے ہیں تو جوڑوں پر دباؤ بڑھتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔