دار چینی کی چائے کے صحت کے لیے متاثر کن فوائد دنگ کر دیں گے

دار چینی کا استعمال پاکستان کے ہر گھر میں ہی استعمال ہوتا ہے۔

اس کا ذائقہ اور مہک پکوان کا ذائقہ دوبالا کرتے ہیں جبکہ اس کے ساتھ ساتھ یہ مسالا صحت کے لیے بھی بہت زیادہ فائدہ مند ہے۔

یہ متعدد اینٹی آکسائیڈنٹس خصوصیات سے بھرپور مسالا ہے۔

اور ضروری نہیں کہ آپ اسے کھائیں، دار چینی کی چائے یا قہوے سے بھی صحت پر جادوئی اثر مرتب ہوسکتے ہیں۔

جگر کے عام ترین مرض سے تحفظ فراہم کرنے والے 5 آسان طریقے

جگر کی اس بیماری کے نتیجے میں میٹابولک امراض جیسے ذیابیطس ٹائپ 2 اور موٹاپے کا خطرہ بھی بڑھ جاتا ہے۔

اس قہوے کے چند حیرت انگیز فوائد درج ذیل ہیں۔

اینٹی آکسائیڈنٹس سے بھرپور

دار چینی کے قہوے میں متعدد اینٹی آکسائیڈنٹس ہوتے ہیں۔

اینٹی آکسائیڈنٹس جسم میں گردش کرنے والے مضر مواد سے بننے والے تکسیدی تناؤ سے لڑتے ہیں۔

کھانے کے بعد چند منٹ کی چہل قدمی کے یہ فوائد جانتے ہیں؟

کھانے کے بعد کچھ منٹ کی چہل قدمی کو عادت بنانے کے فوائد دنگ کر دینے والے ہیں۔

تکسیدی تناؤ سے ذیابیطس، کینسر اور امراض قلب جیسے امراض کا خطرہ بڑھتا ہے۔

ایک تحقیق میں بتایا گیا کہ دار چینی میں پولی فینول اینٹی آکسائیڈنٹس کی مقدار بہت زیادہ ہوتی ہے۔

یہی وجہ ہے کہ دار چینی کا قہوہ پینے سے صحت کو فائدہ ہوتا ہے۔

دل کی صحت بہتر ہوتی ہے

تحقیقی رپورٹس سے عندیہ ملا ہے کہ دار چینی میں موجود مرکبات سے جسم کے اندر پھیلنے والے ورم میں کمی آتی ہے۔

زیادہ میٹھا کھانے کے یہ 12 نقصانات جانتے ہیں؟

موجودہ عہد میں لوگ ضرورت سے زیادہ چینی کھانے کے عادی ہوچکے ہیں اور یہ میٹھے زہر کا کام کرتی ہے۔

خیال رہے کہ ورم سے دائمی امراض جیسے امراض قلب کا خطرہ بڑھتا ہے۔

تحقیقی رپورٹس کے مطابق دار چینی سے بلڈ پریشر اور نقصان دہ کیولیسٹرول کی سطح میں کمی آتی ہے اور یہ دونوں ہی امراض قلب کا خطرہ بڑھانے والے عناصر ہیں۔

ایک تحقیق میں دریافت کیا گیا کہ روزانہ 120 ملی گرام دار چینی کا استعمال دل کی صحت کو بہتر بنانے میں مدد فراہم کرتا ہے۔

گردوں کے امراض کا اشارہ دینے والی 10 علامات

گردوں کے امراض کی متعدد نشانیاں ہوتی ہیں مگر کئی بار لوگ اسے کسی اور بیماری کا نتیجہ سمجھتے ہیں۔

بلڈ شوگر بھی کم ہوتا ہے

دار چینی کا قہوہ بلڈ شوگر کی سطح کو کم کرنے کے لیے فائدہ مند ثابت ہو سکتا ہے۔

یہ مسالا بلڈ شوگر کو کنٹرول کرنے کے لیے بالکل انسولین کی طرح کام کرتا ہے۔

انسولین وہ ہارمون ہے جو جسم میں بلڈ شوگر کو کنٹرول کرنے کا کام کرتا ہے۔

دار چینی میں موجود مرکبات سے انسولین کی مزاحمت بھی گھٹ جاتی ہے جس سے انسولین کے افعال بہتر ہوتے ہیں۔

روزانہ ایک امرود کھانے کے یہ فائدے جانتے ہیں؟

اس میں متعدد غذائی اجزا ہوتے ہیں جن میں وٹامن سی نمایاں ہے مگر اس کے ساتھ ساتھ متعدد اینٹی آکسائیڈنٹس بھی اس پھل کا حصہ ہوتے ہیں۔

جسمانی وزن میں کمی

دار چینی کا قہوہ جسمانی وزن میں کمی لانے کے لیے بھی مفید ثابت ہو سکتا ہے۔

متعدد تحقیقی رپورٹس میں بتایا گیا ہے کہ دار چینی کے استعمال سے جسمانی چربی کی مقدار کم ہوتی ہے خاص طور پر توند کی چربی گھلانے میں مدد ملتی ہے۔

دار چینی کے استعمال سے پیٹ بھرنے کا احساس بھی دیر تک برقرار رہتا ہے جس سے بھی جسمانی وزن میں کمی لانے میں مدد مل سکتی ہے۔

نزلہ زکام سے پریشان؟ تو اس سے نجات دلانے والے آسان طریقے جانیں

اکثر ادویات نزلہ زکام کی علامات کی شدت میں کمی لاتی ہیں جبکہ متعدد قدرتی ٹوٹکوں سے بھی عارضی ریلیف مل جاتا ہے۔

سانس کی بو سے نجات

دار چینی کا استعمال سانس کی بو کی روک تھام بھی کرتا ہے۔

سانس میں بو سے پریشان رہتے ہیں تو دار چینی کا قہوہ پینے سے اس مسئلے سے نجات پانے میں مدد مل سکتی ہے۔

بیکٹریا سے لڑنے میں مددگار

دار چینی اینٹی بیکٹریل مسالا ہے اور تحقیقی رپورٹس سے معلوم ہوا ہے کہ دار چینی میں موجود اجزا بیکٹریا کی متعدد اقسام کی نشوونما روکتے ہیں۔

اس موسم میں شکر قندی کھانے کے فوائد جانتے ہیں؟

یہ فائبر، پوٹاشیم، وٹامنز اور دیگر اہم غذائی اجزا کے حصول کا اچھا ذریعہ ہے۔

جس سے مختلف امراض سے تحفظ بھی مل سکتا ہے جبکہ دانتوں کی صحت بھی بہتر ہوتی ہے۔

جِلد کو جوان رکھے

تحقیقی رپورٹس سے ثابت ہوا ہے کہ دار چینی کے استعمال سے ایک ہارمون کولیگن کی سطح میں اضافہ ہوتا ہے۔

یہ ہارمون جِلد کی لچک اور نمی برقرار رکھنے کے لیے بہت اہم ہوتا ہے۔

یہی وجہ ہے کہ دار چینی کے قہوے کے استعمال سے عمر بڑھنے کے باوجود جِلد کو جوان رکھنے میں مدد ملتی ہے۔

ہاتھوں یا کلائیوں میں اکثر درد ہوتا ہے؟ تو بچنے کے آسان طریقے جانیں

ہاتھوں یا کلائیوں میں تکلیف ایک عارضے کارپل ٹنل سینڈروم کا نتیجہ ہوتی ہے مگر اس سے بچنا بہت آسان ہے۔

دماغی افعال کے لیے بھی بہترین

چند تحقیقی رپورٹس میں دریافت کیا گیا کہ دار چینی سے دماغی خلیات کو الزائمر امراض سے تحفظ ملتا ہے۔

کیل مہاسوں سے بچنا بھی ممکن ہو سکتا ہے

تحقیق سے عندیہ ملا ہے کہ دار چینی سے کیل مہاسوں سے باعث بننے والے بیکٹریا سے لڑنے میں مدد ملتی ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔