زیادہ میٹھا کھانے کے یہ 12 نقصانات جانتے ہیں؟

چینی کا استعمال موجودہ عہد میں عام ہے مگر غذا میں اس کی بہت زیادہ مقدار کی موجودگی مختلف امراض کا خطرہ بڑھاتی ہے۔

ویسے تو پھلوں میں بھی قدرتی مٹھاس موجود ہوتی ہے مگر وہ چینی جتنی نقصان دہ نہیں ہوتی۔

درحقیقت موجودہ عہد میں لوگ ضرورت سے زیادہ چینی کھانے کے عادی ہوچکے ہیں اور یہ میٹھے زہر کا کام کرتی ہے۔

عالمی ادارہ صحت نے 2015 میں لوگوں کو مشورہ دیا تھا کہ دن بھر میں غذا سے جتنی کیلوریز حاصل کرتے ہیں، اس کا 5 فیصد سے کم حصہ چینی پر مشتمل ہو۔

ہاتھوں یا کلائیوں میں اکثر درد ہوتا ہے؟ تو بچنے کے آسان طریقے جانیں

ہاتھوں یا کلائیوں میں تکلیف ایک عارضے کارپل ٹنل سینڈروم کا نتیجہ ہوتی ہے مگر اس سے بچنا بہت آسان ہے۔

آسان الفاظ میں روزانہ 6 چائے کے چمچ سے زیادہ چینی استعمال کرنا نقصان دہ ثابت ہوسکتا ہے۔

اب یہ جان لیں کہ چینی کا زیادہ استعمال آپ کو کن امراض کا شکار بناسکتا ہے۔

جسمانی وزن میں اضافہ

دنیا بھر میں موٹاپے کی شرح بہت تیزی سے بڑھ رہی ہے اور شواہد سے عندیہ ملتا ہے کہ چینی خاص طور پر میٹھے مشروبات کا استعمال اس کی ایک بڑی وجہ ہے۔

سوڈا، جوس اور دیگر میٹھے مشروبات کے استعمال سے بھوک اور کھانے کی اشتہا بڑھتی ہے۔

خون کی کمی کا اشارہ دینے والی خاموش علامات

خون کی کمی کو طبی زبان میں انیمیا کہا جاتا ہے جس کی کئی اقسام ہیں۔

اس کے ساتھ ساتھ ان مشروبات میں کیلوریز بھی بہت زیادہ ہوتی ہیں جس سے جسمانی وزن میں اضافہ ہوتا ہے۔

تحقیقی رپورٹس سے یہ بھی ثابت ہوا ہے کہ چینی کا زیادہ استعمال موٹاپے اور ذیابیطس ٹائپ 2 سے متاثر ہونے کا خطرہ بڑھاتا ہے۔

امراض قلب کا خطرہ بڑھتا ہے

ایک تحقیق میں دریافت کیا گیا کہ جو افراد چینی کا زیادہ استعمال کرتے ہیں ان میں امراض قلب سے موت کا خطرہ 38 فیصد تک بڑھ جاتا ہے۔

وہ عام غذائی عادات جن سے جوانی میں جھریاں نمودار ہو جاتی ہیں

عمر بڑھنے سے جِلد کی موٹائی گھٹ جاتی ہے اور لچک بھی ختم ہونے لگتی ہے جس سے جھریاں نظر آنے لگتی ہیں۔

دیگر تحقیقی رپورٹس کے مطابق میٹھی غذاؤں کے زیادہ استعمال سے جسمانی وزن اور ورم بڑھتا ہے جبکہ خون میں چکنائی کی مقدار بھی بڑھ جاتی ہے، یہ سب امراض قلب کا خطرہ بڑھانے والے عناصر ہیں۔

کیل مہاسے

2018 کی ایک تحقیق میں ثابت ہوا تھا کہ ہر ہفتے 7 بار میٹھے مشروبات کو پینے والے افراد کو کیل مہاسوں کا سامنا زیادہ ہوتا ہے۔

2019 کی ایک تحقیق میں دریافت کیا گیا کہ چینی کا استعمال کم کرکے کیل مہاسوں کا خطرہ کم کیا جاسکتا ہے۔

ڈپریشن سے متاثر ہونے پر جسم پر ظاہر ہونے والی 10 علامات

ڈپریشن کے شکار مریضوں کو جسمانی مسائل کا سامنا بھی ہوتا ہے۔

میٹھی اشیا سے بلڈ شوگر اور انسولین کی سطح میں بہت تیزی سے اضافہ ہوتا ہے جس کے باعث جسم میں آئل بننے کا عمل تیز ہوتا ہے ، جس سے کیل مہاسے ابھرتے ہیں۔

ذیابیطس ٹائپ 2 کا خطرہ

ایک تحقیق میں بتایا گیا تھا کہ غذا میں چینی کا زیادہ استعمال ذیابیطس ٹائپ 2 کا شکار بناسکتا ہے جبکہ انسولین کی مزاحمت کا سامنا بھی ہوسکتا ہے۔

اس کے ساتھ ساتھ موٹاپے سے بھی ذیابیطس ٹائپ 2 کا خطرہ بڑھتا ہے اور اوپر بتایا جاچکا ہے کہ زیادہ میٹھا کھانے سے جسمانی وزن میں اضافہ ہوتا ہے۔

ہمارے چہروں پر بھنویں کیوں ہوتی ہیں؟

بالوں کی یہ 2 پٹیاں ہر چہرے پر نمایاں نظر آتی ہیں مگر ان کا مقصد کیا ہوتا ہے؟

کینسر کا سامنا بھی ہو سکتا ہے

چینی کا زیادہ استعمال جسمانی ورم، تکسیدی تناؤ اور موٹاپے کا باعث بنتا ہے اور یہ تینوں عناصر کینسر کا خطرہ بڑھاتے ہیں۔

ایک تحقیق میں دریافت کیا گیا کہ میٹھے مشروبات کے استعمال سے کینسر کا خطرہ بڑھتا ہے۔

ایک اور تحقیق میں بتایا گیا کہ جو افراد میٹھے مشروبات پینے کے عادی ہوتے ہیں اور ان کی توند نکلی ہوئی ہو تو کچھ اقسام کے کینسر کا خطرہ 59 فیصد تک بڑھ جاتا ہے۔

کھانسی سے پریشان؟ تو نجات کیلئے یہ گھریلو طریقے آزمائیں

موسم بدلنے کے ساتھ الرجی، وائرل انفیکشن یا بیکٹریل انفیکشن کے باعث بیشتر افراد کو کھانسی کا سامنا ہوتا ہے۔

ڈپریشن

صحت کے لیے مفید غذا سے مزاج پر خوشگوار اثرات مرتب ہوتے ہیں، مگر چینی سے بھرپور غذاؤں کا استعمال ذہنی صحت پر منفی اثرات مرتب کرتا ہے۔

زیادہ میٹھے کے استعمال کو دماغی تنزلی، یادداشت کے مسائل اور ذہنی امراض انزائٹی اور ڈپریشن کا باعث قرار دیا جاتا ہے۔

7 دن تک روزانہ کیلے کھانے سے ایک ڈاکٹر کو کن اثرات کا سامنا ہوا؟

اس پھل میں فائبر، اینٹی آکسائیڈنٹس اور دیگر متعدد غذائی اجزا موجود ہوتے ہیں۔

محققین کا ماننا ہے کہ جسمانی ورم، انسولین کی مزاحمت اور دیگر مسائل سے ذہنی صحت پر منفی اثرات مرتب ہوتے ہیں۔

جھریاں

چینی کے زیادہ استعمال کے نتیجے میں جلد میں موجود ایک اہم ہارمون کولیگن پر بھی منفی اثرات مرتب ہوتے ہیں۔

تحقیقی رپورٹس کے مطابق زیادہ میٹھا کھانے کی عادت سے لوگ قبل از وقت بڑھاپے کا شکار ہوجاتے ہیں کیونکہ جھریاں نمایاں ہوجاتی ہیں۔

لوگوں کو عرق النسا کی تکلیف کا سامنا کیوں ہوتا ہے؟

نسا ایک رگ یا عصب کا نام ہے جسے انگلش میں شیاٹک نرو بھی کہا جاتا ہے۔

خلیات کی عمر تیزی سے بڑھتی ہے

ٹیلومیئرز کرموسومز میں موجود ہوتے ہیں جو آپ کی تمام تر جینیاتی تفصیلات کو محفوظ کرتے ہیں۔

ٹیلومیئرز کروموسومز کو نقصان پہنچنے سے بچاتے ہیں مگر عمر میں اضافے کے ساتھ ٹیلومیئرز کی لمبائی کم ہونے لگتی ہے جس سے خلیات کے افعال بتدریج تنزلی کا شکار ہوتے ہیں۔

مگر زیادہ میٹھا کھانے کی عادت سے یہ عمل قبل از وقت شروع ہو جاتا ہے جس سے خلیات کی عمر تیزی سے بڑھنے لگتی ہے۔

جگر کی صحت کے لیے فائدہ مند اور نقصان دہ غذائیں کونسی ہوتی ہیں؟

کچھ غذائیں اور مشروبات جگر کی صحت کے لیے مفید جبکہ کچھ غذائیں اسے نقصان پہنچاتی ہیں۔

جسمانی توانائی میں کمی

چینی سے بھرپور غذاؤں کے استعمال سے بلڈ شوگر اور انسولین کی سطح میں بہت تیزی سے اضافہ ہوتا ہے جس سے عارضی طور پر توانائی بڑھ جاتی ہے۔

مگر توانائی میں یہ اضافہ بہت تیزی سے کم بھی ہوتا ہے جس کے باعث تھکاوٹ اور کمزوری جیسے احساسات کا سامنا ہوتا ہے۔

بلڈ شوگر کی سطح میں مسلسل اضافہ اور کمی سے بھی جسمانی توانائی پر منفی اثرات مرتب ہوتے ہیں۔

وہ حیرت انگیز وجوہات جو ہائی بلڈ پریشر کا شکار بنا دیتی ہیں

ہائی بلڈ پریشر سے ہارٹ اٹیک یا فالج جیسے جان لیوا امراض کا خطرہ بڑھ جاتا ہے۔

جگر کی چربی کا مرض

زیادہ میٹھا کھانے کی عادت سے جگر کی صحت پر منفی اثرات مرتب ہوتے ہیں کیونکہ اس عضو کا کام ہی شکر کو چربی میں تبدیل کرنا ہے۔

اگر آپ زیادہ مقدار میں چینی کا استعمال کرتے ہیں تو جگر بہت زیادہ مقدار میں چربی بنانے لگتا ہے جو اس کے اردگرد جمع ہو جاتی ہے۔

گردوں کے امراض

سوڈا یا سافٹ ڈرنکس کا استعمال گردوں کے لیے نقصان دہ ثابت ہوتا ہے۔

ایک تحقیق میں دریافت کیا گیا کہ سوڈا اور میٹھے مشروبات کا زیادہ استعمال گردوں کے دائمی امراض سے متاثر ہونے کا خطرہ بڑھ سکتا ہے۔

ہارٹ فیلیئر جیسے جان لیوا مرض کی عام علامات جانتے ہیں؟

اس بیماری کا کا علاج نہیں بلکہ ادویات کی مدد سے اسے بڑھنے سے روکا جاتا ہے۔

دانت بھی متاثر ہوتے ہیں

چینی منہ میں پائے جانے والے بیکٹریا کی غذا بن جاتی ہے اور جب وہ اسے ہضم کرتے ہیں تو ایک تیزاب خارج کرتے ہیں جو دانتوں کی سطح کو متاثر کرتا ہے۔

یہی وجہ ہے کہ جو افراد اکثر میٹھی غذائیں کھاتے ہیں ان میں دانتوں کی فرسودگی کا خطرہ بہت زیادہ ہوتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔