دنیا پر مغرب کے 500 سالہ تسلط کا دور اب ختم ہو رہا ہے: روسی وزیر خارجہ

روسی وزیر خارجہ سرگئی لاوروف کا کہنا ہےکہ دنیا پر مغرب کے 500 سالہ تسلط کا دور اب  ختم ہو رہا ہے۔

دوحہ فورم سے خطاب میں روسی وزیر خارجہ کا کہنا تھا کہ اسرائیل پر حملے کو فلسطینی عوام کی اجتماعی سزا  کا جواز بنانا قابل قبول نہیں، غزہ کی صورت حال کی بین الاقوامی مانیٹرنگ ہونی چاہیے۔

سرگئی لاوروف کا کہنا تھا کہ روس اور میں منافق نہیں ہیں، اسرائیل پر حماس کا حملہ خلا میں نہیں ہوا، اسرائیل کو برسوں بتایا کہ  فلسطینی ریاست کی غیر حل شدہ حیثیت خطرناک ترین مسئلہ ہے۔

انسانی حقوق کے عالمی دن بھی اسرائیل کے غزہ میں جنگی جرائم، مزید 300 فلسطینی شہید

اسرائیلی فوج نے غزہ میں گزشتہ 24 گھنٹوں میں 250 سے زیادہ حملےکیے، رہائشی علاقوں میں بمباری سے کل سے اب تک 300 فلسطینی شہید ہوگئے

 اردن کے  وزیر خارجہ نے کہا کہ  اسرائیل غزہ کو فلسطینیوں سے  خالی کرنےکی کوشش کر رہا ہے۔

اقوام متحدہ کے سیکرٹری جنرل انتونیو گوتریس نے کہا  کہ انہیں افسوس ہے کہ سلامتی کونسل غزہ پٹی میں جنگ بندی کا مطالبہ کرنے میں ناکام رہی۔

انہوں نے سلامتی کونسل میں تقسیم کی مذمت کی جس نے عالمی ادارے کو 'مفلوج' کر دیا ہے۔

ان کا کہنا تھا کہ سلامتی کونسل جیو اسٹرٹیجک تقسیم کی وجہ سے مفلوج ہوچکی ہے جس کے نتیجے میں7 اکتوبر سے جاری غزہ جنگ کی روک تھام کا حل نکالنا مشکل ہوگیا ہے۔