کراچی: صدر موبائل مارکیٹ میں آگ کیسے لگی؟ وجہ سامنے آگئی

کراچی: صدر کی موبائل مارکیٹ میں لگنے والی آگ سے متعلق تحقیقات جاری ہیں۔

تفتیشی حکام کے مطابق موبائل مارکیٹ میں آتشزدگی سے 10 دکانیں مکمل جل گئیں اور 100 سے زائد متاثر ہوئی ہیں۔

کراچی کی صدر موبائل مارکیٹ میں آگ لگنے سے کئی دکانیں جل گئیں، کروڑوں روپے کا نقصان

مارکیٹ میں تنگ گلیوں کی وجہ سے آگ پھیلی،گلیوں میں رکھے کچھ کیبن بھی جل گئے ، آگ لگنے کی وجہ معلوم نہیں ہوسکی: حکام

حکام نے بتایا کہ ابتدائی تحقیقات کے مطابق آگ شارٹ سرکٹ کے باعث لگی، 8 فائر ٹینڈر اور 2  واٹر باؤزر کی مدد سے آگ پر قابو پایا گیا۔

حکام کاکہنا ہےکہ آگ سے ہونے والے نقصان کا تخمینہ لگایا جارہا ہے۔

واضح رہے کہ پیر اور منگل کی درمیانی شب کراچی کی موبائل مارکیٹ میں آگ لگ گئی جس سے کروڑوں کا سامان جل کر راکھ ہوگیا۔