28 دسمبر ، 2023 
پاکستان
الیکشن کمیشن کل کے اجلاس میں پھر اس معاملے پر غور کرے گا: ذرائع— فوٹو:فائل
بلے کا نشان، الیکشن کمیشن عدالتی حکم پر ردعمل کے بارے میں کوئی فیصلہ نہ کرسکا
28 دسمبر ، 2023
الیکشن کمیشن آف پاکستان میں پاکستان تحریک انصاف کو بلے کا انتخابی نشان دینے کے معاملے پر اجلاس آج دوسرے دن بھی ہوا۔
گزشتہ دنوں الیکشن کمیشن نے انٹراپارٹی الیکشن پارٹی آئین کے مطابق نہ کرانے پر پاکستان تحریک انصاف سے بلے کا انتخابی نشان واپس لے لیا تھا۔
تاہم 26 دسمبر کو پشاور ہائیکورٹ نے پی ٹی آئی انٹرا پارٹی انتخابات کالعدم اور پارٹی نشان واپس لینے کے الیکشن کمیشن کے فیصلے پر حکم امتناع جاری کیا تھا۔
عدالتی فیصلے پر الیکشن کمیشن آف پاکستان میں اجلاس آج دوسرے دن بھی ہوا۔ الیکشن کمیشن تاحال پشاور ہائیکورٹ کے فیصلے پر اپنے ردعمل کے بارے میں کوئی فیصلہ نہ کرسکا۔
ذرائع کے مطابق الیکشن کمیشن کل کے اجلاس میں پھر اس معاملے پر غور کرے گا۔
