سرد موسم میں جِلد کو خشک ہونے سے بچانے میں مددگار غذائیں

جب موسم سرد ہونے لگتا ہے تو جِلد سے نمی بھی کم ہونے لگتی ہے۔

اس کے نتیجے میں ہاتھ، ہونٹ، ناک اور چہرے کی جلد خشک ہوجاتی ہے، جو ویسے تو کوئی بڑا مسئلہ نہیں مگر خارش کی شکایت ضرور ہونے لگتی ہے۔

ویسے تو پانی پینا جِلد کی نمی برقرار رکھنے کا ایک آسان ذریعہ ہے مگر ظاہر ہے کہ بہت زیادہ پانی پینا بھی ممکن نہیں ہوتا۔

تو درست غذا کا انتخاب اس حوالے سے اہم ثابت ہوسکتا ہے۔

پیروں میں جلن کا باعث بننے والی وجوہات

جلن کی یہ شدت معمولی سے زیادہ بھی ہو سکتی ہے اور عموماً رات کو یہ احساس زیادہ بدتر ہوتا ہے۔

مخصوص غذائیں جِلد کی صحت کے لیے فائدہ مند ثابت ہوتی ہیں اور نمی کو برقرار رکھتی ہیں۔

ایسی چند غذاؤں کے بارے میں جانیں۔

شکرقندی

شکرقندی تو موسم سرما میں لگ بھگ ہر جگہ ہی آرام سے مل جاتی ہے۔

9 عام عادات یا چیزیں جن سے گردوں کے امراض کا خطرہ بڑھتا ہے

دنیا بھر میں ہر 10 میں سے ایک فرد کو گردوں کے دائمی امراض کا سامنا ہوتا ہے ۔

شکرقندی وٹامن اے اور سی سے بھرپور ہوتی ہے اور یہ دونوں وٹامنز جِلد کی صحت کے لیے بہترین ہوتے ہیں۔

وٹامن اے جِلد کو خشک ہونے سے بچاتا ہے جبکہ وٹامن سی سے جسم میں ایک پروٹین کولیگن کی مقدار بڑھتی ہے۔

یہ پروٹین جِلد کی نمی، لچک اور جگمگاہٹ برقرار رکھنے کے لیے اہم ہوتا ہے۔

مالٹے

مالٹوں کی متعدد اقسام اس موسم میں عام ملتی ہیں اور اس پھل میں وٹامن سی کی مقدار بہت زیادہ ہوتی ہے، اس وٹامن کے فوائد کا ذکر اوپر ہوچکا ہے۔

دماغ کو جوان رکھنے میں مددگار بہترین مشروبات

ان مشروبات کے بارے میں جانیں جو دماغ کے لیے بہت زیادہ مفید ہوتے ہیں۔

موسم سرما میں دن میں ایک بار مالٹے کھانے سے جِلد کو صحت مند رکھنے میں مدد مل سکتی ہے۔

پالک

سبز پتوں والی یہ سبزی بھی جِلد کے لیے فائدہ مند ہوتی ہے۔

اس میں وٹامن K اور سی کے ساتھ ساتھ پوٹاشیم بھی موجود ہوتا ہے، یہ غذائی جز جِلد سمیت پورے جسم کو ڈی ہائیڈریشن سے بچانے کے لیے اہم ہوتا ہے۔

اگر نوالہ حلق میں پھنس جائے تو کیا کرنا چاہیے؟

اچھی بات یہ ہے کہ چند گھریلو طریقے سے اس مسئلے پر قابو پانا ممکن ہے۔

مچھلی

مچھلی میں پروٹین کی مقدار کافی زیادہ ہوتی ہے جبکہ اومیگا 3 فیٹی ایسڈز بھی جسم کو ملتے ہیں۔

یہ فیٹی ایسڈز جِلد میں آئل کی مقدار کو متوازن رکھنے کے ساتھ ساتھ نمی کو برقرار رکھتے ہیں۔

اومیگا 3 فیٹی ایسڈز سے کیل مہاسوں سے بچنے میں بھی مدد مل سکتی ہے جبکہ اس میں موجود وٹامن ڈی بھی جِلد کو ورم اور خشکی سے بچانے میں مددگار ثابت ہوتا ہے۔

کاٹن بڈز کے بغیر کانوں کو محفوظ طریقے سے کیسے صاف کریں؟

کاٹن بڈز کے استعمال سے کانوں کے پردے کو نقصان پہنچنے کا خطرہ بڑھتا ہے۔

بادام

بادام وٹامن ای کے حصول کا بہترین ذریعہ ہیں جو جِلد کی نمی کو برقرار رکھنے میں اہم کردار ادا کرتا ہے۔

جِلد کی نمی کے ساتھ ساتھ باداموں سے جسم کو متعدد پروٹین اور دیگر غذائی اجزا بھی ملتے ہیں۔

گائے کی کلیجی

کلیجی میں وٹامن اے کی مقدار کافی زیادہ ہوتی ہے جو جِلد کو سورج کی نقصان دہ شعاعوں سے تحفظ فراہم کرتی ہے جبکہ نمی کو برقرار رکھتی ہے۔

روزانہ ایک مالٹا کھانے سے جسم پر کیا اثرات مرتب ہوتے ہیں؟

مالٹا متعدد غذائی اجزا اور نباتاتی مرکبات سے بھرپور پھل ہے۔

سرخ شملہ مرچ

سرخ شملہ مرچ بھی وٹامن سی کے حصول کا اچھا ذریعہ ہے اور اس وٹامن کے فوائد کا ذکر اوپر ہوچکا ہے۔

سبز چائے

یہ گرم مشروب بھی جِلد کی صحت کے لیے مفید ثابت ہوتا ہے کیونکہ اس کے استعمال سے خشک جِلد اور دیگر مسائل سے بچنے میں مدد ملتی ہے۔

سبز چائے پینے سے جِلد میں ایک پروٹین کولیگن کی مقدار بڑھتی ہے جس سے جِلد کی لچک اور نمی برقرار رہتی ہے جبکہ تکسیدی تناؤ کم ہوجاتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔