05 جنوری ، 2024 
دنیا
مشرقی صوبے جاوا کے دارالحکومت سورابایا سے بانڈونگ جانے والی ایک ٹرین نے دوسری ٹرین کو اسٹیشن پر ٹکر ماری/ فوٹو سوشل میڈیا
انڈونیشیا: 2 ٹرینوں میں تصادم سے 3 افراد ہلاک اور درجنوں زخمی
05 جنوری ، 2024
انڈونیشیا میں 2 ٹرینوں کے درمیان پیش آنے والے حادثے میں تین افراد ہلاک ہوگئے۔
غیر ملکی میڈیا کے مطابق یہ واقعہ انڈونیشیا کے جزیرے جاوا میں پیش آیا جہاں 2 مسافر ٹرینوں کے درمیان تصادم ہوا۔
انتظامیہ نے بتایا کہ مشرقی صوبے جاوا کے دارالحکومت سورابایا سے بانڈونگ جانے والی ایک ٹرین نے دوسری ٹرین کو اسٹیشن پر ٹکر ماری جس سے بوگیوں کو شدید نقصان پہنچا جب کہ کچھ بوگیاں پٹری سے اتر گئیں جس کے نتیجے میں 3 افراد ہلاک اور درجنوں مسافر زخمی ہوگئے۔
انتظامیہ کے مطابق واقعے کی اطلاع ملتے ہی ریسکیو اہلکاروں سمیت ایمبولینسز موقع پر پہنچ گئیں جنہوں لاشوں سمیت زخمیوں کو طبی امداد کیلئے اسپتال منتقل کیا۔
