26 جنوری ، 2024 
پاکستان
فوٹو: فائل
عوامی نیشنل پارٹی کا پنجاب میں آئی پی پی کی حمایت کا اعلان
26 جنوری ، 2024
عوامی نیشنل پارٹی(اے این پی) نے پنجاب میں استحکامِ پاکستان پارٹی (آئی پی پی) کے امیدواروں کی حمایت کا فیصلہ کیا ہے۔
اے این پی پنجاب کے جنرل سیکرٹری امیر بہادر خان نے صدر آئی پی پی عبدالعلیم خان سے ملاقات کرتے ہوئے کہا کہ پنجاب بھر میں عبدالعلیم خان اور اُن کے پینل کا بھرپور ساتھ دیں گے۔
دوسری جانب تحریک انصاف راوی ٹاؤن کے سابق صدر مبشر لال نے بھی آئی پی پی میں شمولیت کا اعلان کر دیا۔
اس کے علاوہ ہزارہ ویلفیئر ایسوسی ایشن کے چیئرمین بشیر احمد نے بھی عبدالعلیم خان سے ملاقات کرتے ہوئے ان کی حمایت کا اعلان کر دیا۔
وکلا کے وفد نے بھی عبدالعلیم خان سے ملاقات کرتے ہوئے این اے 117 میں ساتھ دینے کا اعلان کیا۔
