13 مارچ ، 2024 
وزیر خزانہ کی عالمی بینک کے کنٹری ڈائریکٹر سے ملاقات، قرض جاری کرنے کی درخواست
13 مارچ ، 2024
وزیر خزانہ محمداورنگزیب نے عالمی بینک سے فیڈرل بورڈ آف ریونیو (ایف بی آر) اصلاحات اور سیلاب زدہ علاقوں کیلئے قرض جاری کرنے کی درخواست کردی۔
وفاقی وزیرخزانہ سے عالمی بینک کے کنٹری ڈائریکٹرکی ملاقات ہوئی جس میں کنٹری ڈائریکٹر عالمی بینک نے انہیں وزارت خزانہ کا چارج سنبھالنے پر مبارکباد دی۔
ذرائع کے مطابق وزیرخزانہ اورکنٹری ڈائریکٹر نے معیشت کو مستحکم بنانے کیلئے تعاون بڑھانے پر اتفاق کیا۔
کنٹری ڈائریکٹر عالمی بینک نے معیشت کو مستحکم کرنے کیلئے وزیرخزانہ کےوژن کو سراہا۔
ذرائع وزارت خزانہ کے مطابق وزیر خزانہ نے کنٹری ڈائریکٹر عالمی بینک کو اصلاحاتی ایجنڈے سے آگاہ کیا اور بریفنگ میں بتایاکہ توانائی اور ایف بی آرمیں اصلاحات سے پاکستان کو فائدہ ہوگا۔
ذرائع کا بتانا ہے کہ وزیر خزانہ نے اصلاحات اور معیشت کو مستحکم بنانے، انرجی سیکٹر، ایف بی آرمیں اصلاحات کیلئےعالمی بینک سےفنانسنگ فراہم کرنے کی بھی درخواست کی۔
ذرائع کا کہنا ہے کہ رواں مالی سال کے دوران عالمی بینک سے فنانسنگ کے حصول پر بھی بات چیت کی۔
رواں مالی سال کے دوران عالمی بینک سے مجموعی طورپر 2 ارب ڈالرز قرض کی توقع تھی، قرض ایف بی آر میں اصلاحات، سیلاب زدہ علاقوں کی تعمیر نو کیلئے ملنا تھا۔
ذرائع کے مطابق وزیر خزانہ نے عالمی بینک سے ایف بی آر اصلاحات اورسیلاب زدہ علاقوں کیلئے قرض جاری کرنے کی درخواست کردی۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
سونے کی قیمت میں بڑا اضافہ، فی تولہ کتنے کا ہوگیا؟
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
