کاروبار

آئی ایم ایف کی آن لائن ڈیجیٹل پلیٹ فارمز کو سیلز ٹیکس نیٹ میں لانے کی سفارش

21 مارچ ، 2024

مقامی صارفین کیلئے سہولیات فراہم کرنیوالے تمام آن لائن ڈیجیٹل پلیٹ فارمز کو ویلیو ایڈڈ ٹیکس کیلئے رجسٹرڈکیا جائیگا/ فائل فوٹو

اسلام آباد: آئی ایم ایف نے پاکستان میں صارفین کےساتھ ٹرانزکشن کرنے والے آن لائن ڈیجیٹل پلیٹ فارمزکو سیلز ٹیکس نیٹ میں لانے کی سفارش کردی۔

مقامی صارفین کیلئے سہولیات فراہم کرنیوالے تمام آن لائن ڈیجیٹل پلیٹ فارمز کو ویلیو ایڈڈ ٹیکس کیلئے رجسٹرڈکیا جائیگا، ڈیجیٹل مصنوعات، خدمات اور نان ریذیڈنٹ وینڈرز کی جانب سے مقامی صارفین کےلیے سہولیات فراہم کرنیوالے تمام آن لائن ڈیجیٹل پلیٹ فارمزکو ویلیو ایڈ ڈ ٹیکس کیلئے رجسٹرڈکیا جائےگا۔

ذرائع کے مطابق بعض ممالک میں ایسے تمام پلیٹ فارم انٹرمیڈیٹریز کے طور پر کام کررہے ہیں اور آن لائن شعبے میں مختلف اقسام اور ماڈل کے پلیٹ فارمز ہیں۔

یہ بھی پڑھیں

ذرائع کے مطابق ان میں ایسے ڈیجیٹل پلیٹ فارم شامل ہیں جو تھرڈ پارٹی وینڈر اور خریدار کے مابین ٹرانزکشن کو کنٹرول کرتے ہیں، ان میں سننے کی سروسز فراہم کرتے ہیں اور ایسے تمام افراد جو براہ راست یا تیسرے فریق کےذریعے ڈیجیٹل پلیٹ فارم کی سروسز فراہم کر کے وصولی کرتے ہیں۔

تاہم ڈیجیٹل پلیٹ فارم میں ایسے شخص شامل نہیں جو کوئی ویب سائٹ کو آپریٹ کرتا ہو، جیسا کہ کلاسیفائیڈ اور ایڈوار ٹائزنگ ویب سائٹ وغیرہ ۔

ذرائع کے مطابق آئی ایم ایف کی سفارشات میں شامل ہےکہ سرکاری محکموں اورایجنٹس جو رجسٹرڈ ہیں اور وی اے ٹی رجسٹریشن نمبر رکھتے ہیں یا خصوصی شناخت نمبر رکھتے ہیں اور ان کی خدمات بزنس ٹو بزنس ٹرانزکشن کی طرح کی جاتی ہیں، ان کیلئے نان ریذیڈنٹ وینڈرز اور نان ریذیڈنٹ ڈیجیٹل پلیٹ فارم آپریٹریز ڈیجیٹل مصنوعات، سروسز اور ایل وی جی کی خریداری پر ویلیو ایڈ ڈ ٹیکس لاگو ہوگا۔