28 جنوری ، 2013 
کسی اسلام دشمن کو نگراں وزیر اعظم کے طور پر قبول نہیں کرینگے، سمیع الحق
28 جنوری ، 2013
لاہور … دفاع پاکستان کونسل کے چیئرمین مولانا سمیع الحق نے مطالبہ کیا ہے کہ وقت پر الیکشن منعقد کرائے جائیں، کسی متنازع اور اسلام دشمن شخصیت کو نگراں وزیر اعظم کے طور پر قبول نہیں کریں گے۔ منصورہ لاہور میں کونسل میں شامل جماعتوں کے سربراہی اجلاس کے بعد میڈیا سے گفتگو میں مولانا سمیع الحق کا کہنا تھا کہ الیکشن ملتوی کرانے کی کسی سازش کو قبول نہیں کریں گے، نگراں وزیر اعظم کیلئے کونسل سے بھی مشاورت کی جائے۔ ان کا کہنا تھا کہ کونسل کے لانگ مارچ کی وجہ سے حکومت بھارت کو پسندیدہ ملک قرار دینے کے فیصلے پر نظر ثانی کر رہی ہے۔ انہوں نے کہا کہ بھارتی وزیر داخلہ کے اپنے ملک میں دہشت گردی کے مراکز کی موجودگی کے اعتراف نے بھارت کا سیاہ چہرہ بے نقاب کردیا ہے۔ سمیع الحق نے 4 فرری کو مظفر آباد میں یکجہتی آزاد کشمیر سیمینار، 5 فروری کو لاہور میں نیلا گنبد سے مسجد شہداء تک مارچ کرنے اور 3 مارچ کو کراچی میں امن مارچ کرنے کا اعلان کیا۔
مزید خبریں :
وزیراعلیٰ پنجاب نے ٹیکس بڑھانے کی تجاویز مسترد کردیں
11 گھنٹے پہلے
عید کے تیسرے روز بھی کراچی کا موسم گرم رہنے کا امکان
09 جون ، 2025
راول ڈیم میں نہاتے ہوئے 3 نوجوان ڈوب کر جاں بحق
09 جون ، 2025
