ناریل پانی پینے کے 8 فائدے جان لیں

ناریل کا پانی ہر جگہ آسانی سے مل جاتا ہے مگر کیا یہ جسم کے لیے فائدہ مند ہوتا ہے؟

امریکا کے مایو کلینک کے مطابق ناریل کا پانی کچے ناریل سے حاصل کیا جاتا ہے اور اگر آپ کو علم نہ ہو تو جان لیں کہ ایک ناریل کو پکنے کے لیے 10 ماہ کا عرصہ درکار ہوتا ہے۔

یہ واضح رہے کہ ناریل کے پانی اور دودھ میں فرق ہے۔

تو کیا یہ مشروب صحت کے لیے فائدہ مند ہے اور جسم پر اس سے کیا اثرات مرتب ہوتے ہیں؟

مائیگرین جیسے تکلیف دہ عارضے سے نجات دلانے میں مددگار بہترین طریقے

آدھے سر کے درد سے تحفظ کے لیے غذا اور طرز زندگی کی عادات بہت اہم ہوتی ہیں۔

جسم میں پانی کی کمی پوری کرے

ناریل کے پانی میں کیلوریز اور کاربوہائیڈریٹس کی مقدار کم ہوتی ہے جبکہ منرلز جیسے پوٹاشیم، سوڈیم اور میگنیشم اس میں موجود ہوتے ہیں۔

یہ منرلز جسم میں پانی کی کمی کو دور کرتے ہیں بالخصوص جسمانی مشقت سے پسینے کے اخراج کے باعث آنے والی کمی کو۔

بلڈ پریشر میں کمی لائے

اکثر افراد کی غذا میں پوٹاشیم کی مقدار کم ہوتی ہے، یہ منرل جسم سے اضافی نمکیات کو پیشاب کے راستے خارج کرتا ہے، جبکہ بلڈ پریشر کو کم رکھنے میں بھی مدد فراہم کرتا ہے۔

وہ وجوہات جو آپ کو مچھروں کے لیے مقناطیس بنا دیتی ہیں

مچھر متعدد امراض پھیلانے کا بھی کام کرتے ہیں جیسے ملیریا، ڈینگی اور دیگر۔

تحقیقی رپورٹس سے عندیہ ملا ہے کہ ہائی بلڈ پریشر سے متاثر افراد اگر ناریل پانی کا استعمال کریں تو بلڈ پریشر کی سطح میں کمی آسکتی ہے۔

البتہ ادویات استعمال کرنے والے مریضوں کو ڈاکٹر کے مشورے سے ناریل کا پانی پینا چاہیے۔

کم کیلوریز

فروٹ جوسز میں چینی، کیلوریز اور کاربوہائیڈریٹس کی مقدار کافی زیادہ ہوتی ہے جبکہ ناریل کے پانی میں کیلوریز کی مقدار کم ہوتی ہے، جو اسے میٹھے مشروبات کا بہترین متبادل بنانے کے لیے کافی ہے۔

دیسی گھی کے استعمال سے صحت کو کیا فائدے ہوتے ہیں؟

حالیہ برسوں میں دیسی گھی پر طبی ماہرین کی توجہ بڑھی ہے تاکہ معلوم ہوسکے کہ کیا یہ واقعی صحت کے لیے مفید ہے یا نہیں۔

چکنائی اور کولیسٹرول سے پاک

ناریل کے پانی میں 94 فیصد پانی ہوتا ہے جبکہ چکنائی اور کولیسٹرول موجود نہیں ہوتے۔

ماہرین کے مطابق ناریل کا پانی پیتے ہوئے بس یہ خیال رکھیں کہ اس میں نمک یا چینی کا اضافہ نہ کریں۔

گردوں میں پتھری کی روک تھام

گردوں میں پتھری کا مرض بہت عام ہے، مناسب مقدار میں پانی پینے سے اس سے بچنا ممکن ہوتا ہے۔

کیا پکانے سے پہلے مرغی کے گوشت کو دھونا چاہیے؟

دنیا بھر کے طبی اداروں کی جانب سے مشورہ دیا جاتا ہے کہ چکن کے کچے گوشت کو پکانے سے پہلے دھونے سے گریز کیا جائے۔

ماہرین کے مطابق ناریل کا پانی متوازن غذا کا حصہ ہوسکتا ہے۔

ایک تحقیق میں بتایا گیا کہ ناریل کا پانی جسم سے پوٹاشیم اور کلورائیڈ کا اخراج بڑھتا ہے جو گردوں میں پتھری کا خطرہ بڑھاتے ہیں۔

صحت مند جِلد

ناریل کا پانی جراثیم کش ہوتا ہے جس سے کیل مہاسوں سے مقابلہ کرنے میں مدد ملتی ہے۔

چند دن روزانہ 3 کھجوریں کھانے سے ہونے والے فائدے آپ کو دنگ کر دیں گے

اس میٹھے پھل کو محض چند دن مخصوص مقدار میں کھانے سے جسم میں ایسی تبدیلیاں آتی ہیں جن کے بارے میں جان کر آپ حیران رہ جائیں گے۔

ایک ابتدائی تحقیق میں دریافت کیا گیا کہ ناریل کا پانی پینا جِلد کو صحت مند رکھنے میں مددگار ثابت ہوسکتا ہے۔

مسلز کے افعال کو مستحکم بنائے

پوٹاشیم ایسا منرل ہے جو انسانی مسلز کے افعال کے لیے ضروری ہوتا ہے۔

ناریل کے پانی میں پوٹاشیم کی مقدار کافی زیادہ ہوتی ہے اور یہی وجہ ہے کہ اس مشروب کو پینے سے مسلز کو صحت مند رکھنے میں مدد ملتی ہے۔

تربوز کھانے سے صحت کو ہونے والے فوائد جانتے ہیں؟

اس مزیدار پھل کے وہ فوائد جانیں جن کو جان کر اس کا ذائقہ مزید بہتر محسوس ہونے لگے گا۔

ہڈیوں کے لیے بھی فائدہ مند

ناریل کے پانی میں کیلشیئم بھی موجود ہوتا ہے اور یہ غذائی جز ہڈیوں کے لیے ضروری ہوتا ہے۔

جسم میں کیلشیئم کی کمی سے ہڈیاں کمزور ہوتی ہیں اور فریکچر کا خطرہ بڑھتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔