04 مئی ، 2024 
انٹرٹینمنٹ
فوٹو: فائل
دو مرتبہ آسکر ایوارڈ یافتہ ہالی ووڈ اداکار کو جنسی ہراسانی کے ایک اور الزام کا سامنا
04 مئی ، 2024
ہالی ووڈ اداکار کیون اسپیسی کو جنسی ہراسانی کے ایک اور الزام کا سامنا کرنا پڑ گیا ہے.
برطانوی میڈیا کے مطابق سابق اداکار رواری کینن نے الزام عائد کیا ہے کہ کیون اسپیسی نے جون 2013 میں اُنہیں ’غلط طریقے‘ سے ہاتھ لگایا تھا۔
میڈیا رپورٹ کے مطابق 2013 میں رواری کینن 21 سال کے اور کیون اسپیسی 53 سال کے تھے۔
برطانوی میڈیا کے مطابق دو مرتبہ آسکر جیتنے والے کیون اسپیسی نے اداکار رواری کینن کی جانب سے لگایا گیا یہ الزام مسترد کر دیا ہے۔
کیون اسپیسی پر پہلے بھی امریکا اور برطانیہ سے کئی نوجوان اداکار، طلبہ اور تھیٹر ملازمین اسی قسم کے الزامات لگا چکے ہیں۔
