شمالی وزیرستان میں سکیورٹی فورسز کا آپریشن: فائرنگ کے تبادلے میں 6 دہشتگرد ہلاک
05 مئی ، 2024
شمالی وزیرستان میں سکیورٹی فورسز کے آپریشن میں فائرنگ کے تبادلے میں 6 دہشت گرد ہلاک ہوگئے۔
پاک فوج کے شعبہ تعلقات عامہ ( آئی ایس پی آر) کے مطابق شمالی وزیرستان میں3 اور 4 مئی کی درمیانی شب دہشت گردوں کی موجودگی کی اطلاع پر سکیورٹی فورسز نے انٹیلی جنس بیسڈ آپریشن کیا جس کے دوران سکیورٹی فورسز اور دہشت گردوں کے درمیان شدید فائرنگ کا تبادلہ ہوا۔
آئی ایس پی آر نے بتایا کہ فائرنگ کے تبادلے میں 6 دہشت گرد ہلاک ہوگئے، آپریشن کے دوران دہشت گردوں کے ٹھکانے کو تباہ کر دیا گیا۔
آئی ایس پی آر کا کہنا ہے کہ مارے گئے دہشت گرد دہشت گردی کی متعدد کارروائیوں میں ملوث تھے۔
آئی ایس پی آر نے بتایا کہ سکیورٹی فورسز کا علاقے میں کلیئرنس آپریشن جاری ہے، سکیورٹی فورسز ملک سے دہشت گردی کے خاتمے کے لیے پُر عزم ہیں۔
