دمہ جیسے تکلیف دہ مرض سے تحفظ یا اس کی شدت میں کمی لانے والے آسان طریقے

ایک تخمینے کے مطابق دنیا بھر میں 30 کروڑ سے زیادہ افراد دمہ کے مریض ہیں۔

دمہ بہت تکلیف دہ اور دائمی مرض ہوتا ہے جس کا ابھی کوئی علاج دستیاب نہیں بلکہ اس کی علامات کو کنٹرول کیا جاتا ہے۔

اس کے شکار افراد کو سانس کے مسائل کا سامنا ہوتا ہے اور یہی وجہ ہے کہ اس سے خود کو محفوظ رکھنا ضروری ہے۔

اس مرض میں پھیپھڑے متاثر ہوتے ہیں جس کے باعث سانس لینا اور روزمرہ کے کام کرنا مشکل ہو جاتا ہے۔

گرمی کے موسم میں جسم کو ٹھنڈا رکھنے میں مددگار 11 بہترین غذائیں

آسانی سے دستیاب چند غذاؤں سے آپ گرم موسم کے دوران اپنے جسم کو ٹھنڈا رکھ سکتے ہیں۔

دمہ کے دورے کے دوران سانس کی نالی سوج جاتی ہے اور مسلز سکڑ جاتے ہیں، جس سے کھانسی اور سینے میں گھٹن جیسے مسائل کا سامنا ہوتا ہے۔

مگر اچھی بات یہ ہے کہ چند قدرتی طریقوں سے آپ دمہ کی علامات کی شدت کم کر سکتے ہیں یا اس سے بچ سکتے ہیں۔

بیٹا کیروٹین، وٹامن سی اور وٹامن سی

اضافی جسمانی وزن یا موٹاپے سے دمہ سے متاثر ہونے کا خطرہ بڑھتا ہے یا اس کے شکار ہونے پر علامات کی شدت بدترین ہو جاتی ہے۔

ڈپریشن جیسے مرض سے بچانے کیلئے 6 بہترین غذائیں

ڈپریشن محض 'دماغ' تک محدود رہنے والا مرض نہیں بلکہ اس کے نتیجے میں جسم بھی متاثر ہوتا ہے۔

یہی وجہ ہے کہ پھلوں اور سبزیوں پر مشتمل متوازن غذا کا استعمال ضروری ہے۔

خاص طور پر ایسی غذائیں جن میں بیٹا کیروٹین، وٹامن سی اور وٹامن ای کی مقدار کافی زیادہ ہوتی ہے۔

ان غذاؤں کے استعمال سے سانس کی نالیوں کا ورم گھٹ جاتا ہے۔

پالک، ٹماٹر، شکر قندی، خربوزے، میٹھا کدو، شملہ مرچ، اسٹرابیری اور ترش پھلوں میں یہ غذائی اجزا کافی مقدار میں ہوتے ہیں۔

ورزش نہ کرنے سے جسم پر ظاہر ہونے والی حیرت انگیز 14 نشانیاں

ورزش کو صحت کے لیے فائدہ مند تصور کیا جاتا ہے مگر اس سے دوری سے جسم پر کیا اثرات مرتب ہوتے ہیں۔

دہی

تحقیقی رپورٹس کے مطابق دمہ اور معدے میں موجود بیکٹریا کے درمیان تعلق موجود ہے۔

یعنی اگر معدے میں صحت کے لیے مفید بیکٹریا کا توازن بگڑ جائے تو دمہ کی علامات بدترین ہو سکتی ہیں۔

پرو بائیوٹیکس کے استعمال سے ورم میں کمی آتی ہے اور ایک تحقیق میں دریافت کیا گیا کہ معمول کی ادویات کے ساتھ دہی یا اس جیسی پروبائیوٹیکس پر مبنی غذاؤں کا استعمال دمہ کی علامات کی شدت میں کمی لاتا ہے۔

روزانہ رات کے کھانے کے بعد چہل قدمی کرنے کے 6 بہترین فوائد

روزانہ رات کے کھانے کے بعد کچھ منٹ چہل قدمی کرنے کے کے فوائد دنگ کر دینے والے ہیں۔

لہسن

لہسن صحت کے لیے مفید ہوتا ہے اور اس کی ورم کش خصوصیات کے باعث یہ دمہ کی علامات کی شدت بھی کم کرتا ہے۔

ایک تحقیق میں دریافت کیا گیا کہ لہسن سے جسم میں ورم کا باعث بننے والے خلیات کی تعداد میں کمی آتی ہے جس سے پھیپھڑوں کا ورم گھٹ جاتا ہے۔

ادرک

ادرک بھی ورم کش ہوتا ہے اور اس کے استعمال سے دمہ کی علامات کو کنٹرول کرنے میں مدد مل سکتی ہے۔

پپیتا کھانے کے 7 فوائد جو آپ کو ضرور پسند آئیں گے

اس پھل میں موجود مخصوص مرکبات کینسر سے تحفظ فراہم کرتے ہیں جبکہ دل کی صحت کو بہتر بناتے ہیں۔

چوہوں پر ہونے والے تحقیقی کام میں دریافت کیا گیا کہ ادرک میں موجود مرکبات سے پھیپھڑوں میں الرجی سے ہونے والا ورم کم ہوتا ہے۔

تحقیقی رپورٹس یہ عندیہ بھی ملا ہے کہ ادرک کے استعمال سے سانس کی نالی کے مسلز کو سکون ملتا ہے جس سے دمہ کی علامات کی شدت گھٹ جاتی ہے۔

شہد

شہد کو اکثر کھانسی کے علاج کے لیے استعمال کیا جاتا ہے، مگر یہ دمہ کو کنٹرول کرنے میں بھی مددگار ثابت ہو سکتا ہے۔

گرم موسم میں اس مشروب کو پینے کے فوائد جانتے ہیں؟

فائبر، اینٹی آکسائیڈنٹس اور دیگر غذائی اجزا سے بھرپور ہونے کی وجہ سے یہ مشروب بہت زیادہ مفید ثابت ہوتا ہے۔

ایک تحقیق میں دریافت کیا گیا کہ شہد سے دمہ کے شکار افراد کے نظام تنفس اور پھیپھڑوں کے افعال بہتر ہوتے ہیں، مگر یہ فائدہ اسی وقت ہوتا ہے جب شہد کو زیرے کے ساتھ گرم پانی میں ملا کر استعمال کیا جائے۔

اومیگا تھری فیٹی ایسڈز

مچھلی کے تیل اور تِلوں کے تیل میں موجود اومیگا تھری فیٹی ایسڈزسے صحت کو متعدد فوائد ہوتے ہیں۔

ان کے استعمال سے سانس کی نالی کا ورم بھی گھٹ جاتا ہے جس سے دمہ کے شکار افراد کے پھیپھڑوں کے افعال بہتر ہو جاتے ہیں۔

کیا ایسا لگتا ہے کہ وقت بہت تیزی سے گزر رہا ہے؟ تو اس کا حل جان لیں

ایسا محض آپ کے ساتھ ہی نہیں ہوتا بلکہ عمر بڑھنے کے ساتھ وقت گزرنے کے حوالے سے ہمارا تصور بدلنے لگتا ہے۔

البتہ ان کا استعمال ڈاکٹر کے مشورے سے کرنا چاہیے۔

کیفین

چائے یا کافی میں موجود جز کیفین سانس کی نالیوں کو کھولتا ہے جبکہ نظام تنفس کے مسلز کے افعال بھی بہتر کرتا ہے۔

ایک تحقیق میں دریافت کیا گیا کہ روزانہ ایک سے 3 کپ چائے پینے سے دمہ سے متاثر ہونے سے بچنے میں مدد ملتی ہے۔

110 سالہ شخص کی 6 عادات جو ہر کسی کیلئے لمبی عمر کا حصول ممکن بنا سکتی ہیں

110 سالہ شخص نے اپنی لمبی عمر کا راز 6 عادات کو قرار دیا جن کو کوئی بھی اپنا سکتا ہے۔

اچھی نیند کو یقینی بنائیں

نیند دمہ کے مرض کے حوالے سے اہم کردار ادا کرتی ہے۔

ایک تحقیق کے مطابق ناقص نیند سے دمہ سے متاثر ہونے کا خطرہ دگنا بڑھ جاتا ہے۔

تحقیق میں بتایا گیا گہ اچھی نیند سے دمہ سے متاثر ہونے کا خطرہ گھٹ جاتا ہے، یعنی اس بیماری کو خود سے دور رکھنا بہت آسان ہے اور اس مقصد کے لیے اچھی نیند کو یقینی بنائیں۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔