کیا چہل قدمی کرنے سے ہائی بلڈ پریشر جیسے مرض سے بچنے میں مدد ملتی ہے؟

خون کے دباؤ یا بلڈ پریشر سے یہ معلوم ہوتا ہے کہ شریانوں سے کتنی مقدار میں خون گزر رہا ہے۔

ہائی بلڈ پریشر یا فشار خون کا سامنا اس وقت ہوتا ہے جب شریانوں سے گزرنے والے خون کا دباؤ مسلسل بہت زیادہ ہو۔

ہائی بلڈ پریشر کو خاموش قاتل مرض قرار دیا جاتا ہے کیونکہ اس کے شکار افراد کو اکثر اس کا علم ہی نہیں ہوتا۔

مگر کیا چہل قدمی کو عادت بنانے سے بلڈ پریشر کو کنٹرول میں رکھنے میں مدد ملتی ہے؟

ہائی بلڈ پریشر کی علامات کیا ہوتی ہیں اور اس سے بچنے کے آسان طریقے کیا ہیں؟

ہائی بلڈ پریشر کو خاموش قاتل مرض قرار دیا جاتا ہے کیونکہ اس کے شکار افراد کو اکثر اس کا علم ہی نہیں ہوتا۔

طبی ماہرین کے مطابق ایسا ممکن ہے۔

امریکا کے کلیولینڈ کلینک کے ماہرین کے مطابق چہل قدمی سے دل کے افعال بہتر ہوتے ہیں اور جسمانی فٹنس بھی بہتر ہوتی ہے جس سے بھی دل زیادہ مؤثر انداز سے کام کرنے لگتا ہے۔

انہوں نے مزید بتایا کہ جب دل کے افعال بہتر ہوتے ہیں تو شریانوں میں دباؤ گھٹ جاتا ہے جس سے بلڈ پریشر کی سطح میں کمی آتی ہے۔

2021 کی ایک تحقیق میں دریافت کیا گیا کہ چہل قدمی کو معمول بنانے سے بلڈ پریشر کی سطح میں نمایاں کمی آتی ہے۔

کچے آموں کے استعمال کے 7 بہترین فوائد

متعدد غذائی اجزا کے باعث کچے آم صحت کے لیے مفید ثابت ہوتے ہیں۔

تحقیق میں بتایا گیا کہ ہر ہفتے 5 بار معتدل رفتار سے 20 سے 40 منٹ تک چہل قدمی کرنے سے ہائی بلڈ پریشر سے محفوظ رہنے میں مدد ملتی ہے۔

دیگر تحقیقی رپورٹس میں بتایا گیا کہ ایک سے 3 ماہ تک چہل قدمی کو معمول بنانے سے بلڈ پریشر میں نمایاں کمی آتی ہے۔

ماہرین نے بتایا کہ ورزش کو دن بھر میں مختصر سیشنز میں تقسیم کرنا زیادہ بہتر ہے جیسے دن میں 3 بار 10، 10 منٹ کی چہل قدمی، ایک بار میں 30 منٹ کی چہل قدمی کے مقابلے میں بلڈ پریشر کو کنٹرول کرنے میں زیادہ بہتر ہوتی ہے۔

دمہ جیسے تکلیف دہ مرض سے تحفظ یا اس کی شدت میں کمی لانے والے آسان طریقے

دمہ بہت تکلیف دہ اور دائمی مرض ہوتا ہے جس کا ابھی کوئی علاج دستیاب نہیں۔

صحت مند افراد کا بلڈ پریشر کتنا ہوتا ہے؟

بلڈ پریشر کے جانچنے کے 2 پیمانے ہیں، ایک خون کا انقباضی دباؤ (systolic blood pressure) جو کہ اوپری دباؤ کے نمبر کا اظہار کرتا ہے۔

انقباضی دباؤ بنیادی طور پر دل کے دھڑکنے سے جسم کے مختلف اعضا تک پہنچنے والے خون کے دباؤ کو ظاہر کرتا ہے۔

دوسرا پیمانہ انبساطی دباؤ (diastolic blood pressure) ہے جو انسانی دھڑکنوں کے درمیان وقفے اور آرام کے نمبر ظاہر کرتا ہے۔

گرمی کے موسم میں جسم کو ٹھنڈا رکھنے میں مددگار 11 بہترین غذائیں

آسانی سے دستیاب چند غذاؤں سے آپ گرم موسم کے دوران اپنے جسم کو ٹھنڈا رکھ سکتے ہیں۔

تو یہ جان لیں کہ صحت مند افراد کا بلڈ پریشر 120/80 ہونا چاہیے۔

اگر کسی فرد کا بلڈ پریشر 130/80 ہے تو یہ سمجھ لینا چاہیے کہ اس میں ہائی بلڈ پریشر کی بیماری کا آغاز ہو رہا ہے۔

اسی طرح اگر بلڈ پریشر 140/90 ہو تو یہ ہائی بلڈ پریشر کے سنگین مرحلے کی جانب بڑھنے کا عندیہ ہے۔

ڈپریشن جیسے مرض سے بچانے کیلئے 6 بہترین غذائیں

ڈپریشن محض 'دماغ' تک محدود رہنے والا مرض نہیں بلکہ اس کے نتیجے میں جسم بھی متاثر ہوتا ہے۔

یہ نمبر انتہائی اہم ہوتے ہیں کیونکہ انقباضی دباؤ میں ہر 20 یا انبساطی دباؤ میں 10 نمبروں کے اضافے سے کسی فرد کے ہارٹ اٹیک یا فالج سے موت کا خطرہ دوگنا بڑھ جاتا ہے۔

طبی ماہرین کی جانب سے مشورہ دیا جاتا ہے کہ 30 سال کی عمر کے بعد ہر سال کم از کم ایک بار بلڈ پریشر کو چیک ضرور کرنا چاہیے۔ 

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔