امریکا میں انسانی حقوق کی بدترین صورت حال پر چین کا اظہار تشویش

چین نے امریکا کی انسانی حقوق کی خلاف ورزیوں پر رپورٹ جاری کرتے ہوئے انسانی حقوق کی بدترین صورت حال پر تشویش کا اظہار کر دیا ہے۔

رپورٹ میں چین کا کہنا ہے کہ 2023 میں امریکا میں انسانی حقوق کی صورتحال خراب ہوتی رہی، عام افراد کے بنیادی حقوق اور آزادیاں نظر انداز کی جاتی رہیں۔

رپورٹ کے مطابق افریقی اور ایشیائی امریکیوں کو قانون نافذ کرنے والے اداروں اور طبی خدمات جیسے شعبوں میں سنگین نسلی امتیاز اور عدم مساوات کا سامنا رہا۔

رپورٹ میں کہا گیا کہ امریکی سیاست دانوں نے تارکین وطن کے حقوق اور بہبود کو ترک کر دیا۔