09 جون ، 2024 
ممکن ہے شہباز شریف 3 ماہ کے اندر قومی اسمبلی تحلیل کر دیں، منظور وسان کی بڑی پیشگوئی
09 جون ، 2024
پیپلز پارٹی کے رہنما منظور وسان نے پیشگوئی کرتے ہوئے کہا ہے کہ ہو سکتا ہے وزیراعظم شہباز شریف 3 ماہ کے اندر قومی اسمبلی تحلیل کر دیں۔
اپنی پیشگوئیوں کے حوالے سے مشہور پیپلزپارٹی کے رہنما منظور وسان نے ملکی سیاست سے متعلق اہم پیشگوئی کرتے ہوئے کہا کہ ملکی سیاست کے لیے اگلے 3 ماہ بہت اہم ہیں۔
منظور وسان نے اہم پیشگوئی کرتے ہوئے کہا کہ موجودہ سیٹ اپ میں نواز شریف وزیراعظم نہیں بن سکتے اور ہو سکتا ہے شہباز شریف 3 ماہ کے اندر قومی اسمبلی تحلیل کر دیں۔
انہوں نے کہا کہ قومی اسمبلی تحلیل ہونے کے بعد جو بھی سیٹ اپ آئےگا دیکھا جائے گا مگر صوبائی اسمبلیاں موجود رہیں گی۔
پیپلزپارٹی رہنما کا مزید کہنا تھا کہ عمران خان اور دیگر سیاستدانوں کے لئےحالات اچھے نہیں دیکھ رہا، ریلیف ملتے بھی ہیں اور واپس بھی ہو جاتے ہیں، عمران خان خوش فہمی میں نہ رہیں۔
