عرفان صدیقی کی 2017 کے بعد جنرل باجوہ اور نواز شریف کے درمیان ملاقاتوں کی تردید

پاکستان مسلم لیگ ن نے 2017 کے بعد سابق آرمی چیف جنرل باجوہ اور میاں محمد نوازشریف کے درمیان ملاقاتوں کی تردید کردی۔

ن لیگ کے سینیٹر عرفان صدیقی نے اپنے بیان میں کہا ہے کہ ان کی مصدقہ معلومات کے مطابق پانامہ کیس میں عدالتی فیصلے یعنی 28 جولائی 2017 کے بعد سے آج تک جنرل باجوہ سے سابق وزیر اعظم نواز شریف کی کوئی ملاقات نہیں ہوئی۔

عرفان صدیقی کا یہ بھی کہنا تھا کہ بیگم کلثوم نواز کے انتقال پر ایک آدھ منٹ کی تعزیت کے سوا گزشتہ 7  سالوں میں نوازشریف اور جنرل باجوہ کے درمیان کوئی ٹیلی فونک رابطہ بھی نہیں ہوا ۔