25 جون ، 2024 
سفاری پارک میں جاگنگ کرنے والی خاتون پر بھیڑیوں کا حملہ
25 جون ، 2024
پیرس کے قریب سفاری پارک میں جاگنگ کرنے والی خاتون پر بھیڑیوں نے حملہ کردیا۔
غیر ملکی میڈیا کے مطابق 36 سالہ خاتون کے ساتھ یہ واقعہ پیرس کے قریب قائم تھوری اینیمل پارک میں پیش آیا جو ایک زو سفاری پارک ہے۔
میڈیا رپورٹس میں بتایا گیا ہے کہ خاتون نے رات کو پارک میں ہی قیام کیا اور صبح ہوتے ہی وہ جاگنگ کیلئے نکل گئی، جاگنگ کرتی خاتون کو یہ معلوم نہ ہوا وہ غلطی سے 7 ایکڑ رقبے پر پھیلے بھیڑیوں اور بھالوؤں کے علاقے میں داخل ہوگئی جہاں پر رسائی صرف گاڑیوں کے ذریعے ہی ممکن بنائی جاتی ہے۔
میڈیا رپورٹس کے مطابق اس دوران بھیڑیوں نے خاتون پر حملہ کردیا جس سے خاتون بری طرح زخمی ہوگئی، خاتون کی چیخ و پکار سنتے ہی پارک کی انتظامیہ نے فوری کارروائی کی اور خاتون کو بھیڑیوں سے بچا کر اسپتال منتقل کیا۔
مزید خبریں :
اسرائیلی فوج نے غزہ کو ہتھیاروں کی تجربہ گاہ بنادیا
8 گھنٹے پہلے
چین تبت میں دنیا کا پہلا سپر ڈیم تعمیر کرنے کیلئے تیار
11 گھنٹے پہلے
