14 جولائی ، 2024 
پاکستان
صدرآصف زرداری نے نذیرحسین ڈھوکی کے اِنتقال پر اظہار افسوس کرتے ہوئے مرحوم کی پیپلزپارٹی کے لیے خدمات کو خراج تحسین پیش کیا: فائل فوٹو
پیپلزپارٹی کے چیف میڈیا کو آرڈینیٹر انتقال کرگئے
14 جولائی ، 2024
کراچی: پیپلزپارٹی کے چیف میڈیاکو آرڈینیٹر نذیر ڈھوکی انتقال کرگئے۔
رہنما پیپلزپارٹی شازیہ مری نے چیف میڈیاکو آرڈینیٹر کے انتقال کی تصدیق کرتے ہوئے بتایا کہ نذیرڈھوکی نے بے نظیر بھٹوکی میڈیا ٹیم کے ممبر کی حیثیت سےکام شروع کیا۔
شازیہ مری کا کہنا تھا کہ نذیر ڈھوکی کی خدمات کو پیپلزپارٹی کبھی فراموش نہیں کرے گی۔
دوسری جانب صدر آصف علی زرداری نے بھی پیپلزپارٹی کے چیف میڈیاکو آرڈینیٹر نذیر حسین ڈھوکی کے انتقال پر اظہار افسوس کرتے ہوئے مرحوم کی پیپلزپارٹی کے لیے خدمات کو خراج عقیدت پیش کیا۔
صدرمملکت نے مرحوم کے لیے دعائے مغفرت کی اور اہلخانہ کے لیے صبر جمیل کی دعا کی۔
