12 اگست ، 2024 
ایران آئندہ 24 گھنٹے میں اسرائیل پر حملہ کرسکتا ہے، برطانوی میڈیا کا دعویٰ
12 اگست ، 2024
ایران کی جانب سے آئندہ 24 گھنٹے کے اندر اسرائیل پر حملہ کیے جانے کا امکان ظاہر کیا جارہا ہے۔
برطانوی میڈیا کے مطابق ایران 24 گھنٹے کے اندر اسرائیل پر حملہ کرسکتا ہے مشرق وسطیٰ میں حکام سمجھتے ہیں کہ اسرائیل پر حملے ہونے کا وقت آگیا ہے۔
رپورٹس کے مطابق آج رات سے کل تک یہودی تیشا باؤ منا رہے ہیں، تیشا باؤ 12 اگست سے شروع ہو کر 13 اگست کو ختم ہوگا، تیشا باؤ پریہودی پہلے اور دوسرے ہیکل کی تباہی کا سوگ مناتے ہیں۔
امریکا کی جانب سے بھی کہا گیا ہے کہ رواں ہفتے ایران کی جانب سے اسرائیل پر ایک بڑا حملہ ہوسکتا ہے۔
امریکا کی قومی سلامتی کونسل کے ترجمان جان کربی نے وائٹ ہاؤس میں صحافیوں سے بات کرتے ہوئے کہا کہ ہمیں اسرائیل پر ہونے والے ایک بڑے حملے کے حوالے سے تیار رہنا ہوگا۔
جان کربی نے کہا امریکا خطے میں طیارہ بردار بحری جہاز اور گائیڈڈ میزائلوں سے لیس آبدوز بھی تعینات کررہا ہے۔
دوسری جانب اسرائیلی فوج کے ترجمان کی جانب سے کہا گیا ہے کہ اسرائیل ایران میں ہونے والی سرگرمیوں پر نظر رکھے ہوئے ہے۔
خیال رہے کہ ایرانی دارالحکومت تہران میں حماس کے سربراہ اسماعیل ہنیہ کی شہادت اور لبنانی دارالحکومت بیروت میں حزب اللہ کے کمانڈر فواد شکر کی شہادت پر ایران اور حزب اللہ نے اسرائیل پر جوابی حملہ کرنے کا اعلان کررکھا ہے۔
مزید خبریں :
ڈونلڈ ٹرمپ نے اپنی 15 رکنی کابینہ کا انتخاب مکمل کرلیا
25 نومبر ، 2024
اسرائیل اور حزب اللہ جنگ بندی کیلئے ابتدائی طور پر رضامند
25 نومبر ، 2024
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
