14 فروری ، 2013 
کوہاٹ: ٹل میں چیک پوسٹ پر خود کش حملہ، 5 افراد جاں بحق، 11 زخمی
14 فروری ، 2013
کوہاٹ … کوہاٹ کے علاقے ٹل میں فورسز کی چیک پوسٹ پر خود کش حملے میں 5 افراد شہید جبکہ متعدد زخمی ہوگئے، ہلاکتوں میں اضافے کا خدشہ ہے۔ نمائندہ جیو نیوز کے مطابق ڈی پی او نے تصدیق کی ہے کہ ٹل میں ایف سی اور پولیس کی مشترکہ چیک پوسٹ پر خود کش حملہ آور نے بارود سے بھری گاڑی ٹکرائی جس کے نتیجے میں 5 افراد جاں بحق جبکہ 11 زخمی ہوگئے۔ ڈی پی او کے مطابق جاں بحق افراد میں 2 لیویز اہلکار، 2 شہری اور ایک پولیس اہلکار شامل ہے، دھماکے میں جاں بحق اور زخمی ہونے والے افراد کو اسپتال منتقل کردیا گیا ہے۔ پولیس کے مطابق دھماکے سے ایف سی کی چیک پوسٹ مکمل طور پر تباہ ہوگئی جبکہ دھماکے کے مقام پر 8 فٹ گہرا گڑھا پڑ گیا، دھماکے کے بعد سیکیورٹی فورسز نے علاقے کو گھیرے میں لے لیا۔ نمائندہ جیو نیوز کے مطابق عینی شاہدین کا کہنا ہے کہ دھماکے میں 10 افراد جاں بحق ہوگئے، جبکہ دھماکے کے بعد اسپتالوں میں ایمرجنسی نافذ کردی گئی۔
مزید خبریں :
ڈنمارک سفارت خانےکے 3 رکنی وفد کی اڈیالہ جیل آمد
2 گھنٹے پہلے
پی آئی اے نے خلیج کیلئے فلائٹ آپریشن بحال کردیا
8 گھنٹے پہلے
