کمر درد کا شکار بنانے والی 7 عام وجوہات

کسی دوست کو نئے گھر میں منتقل کرنے کے لیے مدد کرنے یا کافی دیر تک چلنے سے اگلی صبح کمر میں تکلیف کے ساتھ بیدار ہونا غیرمعمولی نہیں ہوتا۔

مگر جب کمر درد معمول بن جائے تو یہ اس بات کا عندیہ ہوتا ہے کہ جسم کے اندر کچھ سنگین چل رہا ہے۔

ماہرین کے مطابق اس بات کا انحصار اس بات پر ہوتا ہے کہ مسلز، ہڈی یا اعصاب میں کس جگہ درد ہو رہا ہے۔

انہوں نے مزید بتایا کہ یہ درد ٹانگوں یا کولہوں تک بھی جا سکتا ہے، زیادہ دباؤ محسوس ہوسکتا ہے یا کھانسی یا چھینکنے پر زیادہ بدتر محسوس ہونے لگتا ہے۔

قبض سے فوری ریلیف دلانے والے 6 بہترین ٹوٹکے

کلیو لینڈ کلینک کے ماہرین کی جانب سے اس مسئلے سے فوری نجات دلانے کے لیے چند بہترین ٹوٹکے بتائے گئے ہیں۔

دنیا بھر میں کروڑوں افراد کو کمر کے دائمی درد کا سامنا ہوتا ہے اور زیادہ تر چند عام وجوہات اس تکلیف کا باعث بنتی ہیں۔

بیٹھنے یا کھڑے ہونے کے ناقص انداز کے ساتھ ایک کام بار بار کرنا

روزمرہ کی زندگی میں جسم کو موڑنے، اٹھانے یا مستحکم رکھنے کے انداز کمر درد کا باعث بن سکتے ہیں۔

بیشتر افراد کو اچانک کمر درد کا سامنا ہوتا ہے اور روزمرہ کی سرگرمیوں کے دوران کھڑے یا بیٹھنے کے ناقص انداز اس تکلیف کا باعث بنتے ہیں۔

باداموں کو کتنی دیر تک بھگو کر رکھ کر کھانے سے صحت کو فائدہ ہوتا ہے؟

اہم سوال یہ ہے کہ اگر آپ بادام بھگو کر کھانا پسند کرتے ہیں تو انہیں کتنی دیر تک پانی میں رکھنا چاہیے؟

بیٹھنے یا کھڑے ہونے کے انداز کو بہتر بنانے اور سامان کو احتیاط سے اٹھانے سے اس مسئلے سے بچنے میں مدد مل سکتی ہے۔

چھپی ہوئی بیماریاں

کمر درد مختلف امراض کی ایک علامت بھی ہوتا ہے۔

ہمارے متعدد اندرونی اعضا کے اعصاب، ٹشوز اور مسلز کمر سے منسلک ہوتے ہیں اور ان اعضا کو امراض سے نقصان پہنچنے سے کمر درد کا سامنا ہوتا ہے۔

وہ 8 عادات یا کام جن کو نظرانداز کرنا گردوں کے امراض کا شکار بنا دیتا ہے

آپ ایسا بہت کچھ کر سکتے ہیں جن سے گردوں کو طویل عرصے تک صحت مند رکھا جاسکتا ہے۔

ماہرین کے مطابق گردوں میں پتھری، انفیکشنز اور لبلبے کے امراض کے شکار افراد میں کمر درد کی شکایت عام ہوتی ہے۔

انزائٹی، دائمی تناؤ اور دیگر دماغی امراض

جسمانی امراض کی طرح مختلف دماغی عارضے بھی کمر درد کا باعث بنتے ہیں۔

تحقیقی رپورٹس سے ثابت ہوا ہے کہ انزائٹی، دائمی تناؤ اور ڈپریشن جیسے دماغی امراض کمر درد کا شکار بناتے ہیں۔

آنکھوں کے گرد سیاہ حلقوں سے پریشان؟ تو ان سے جلد نجات دلانے میں مددگار طریقے جانیں

ہوسکتا ہے کہ یہ حلقے آپ کو پریشان کریں مگر حقیقت تو یہ ہے کہ ان کی موجودگی انسانی شخصیت کے لیے معمول کا حصہ ہے۔

ماہرین نے بتایا کہ ہم نے حالیہ برسوں میں دریافت کیا کہ دماغی کیمیکلز میں عدم توازن دائمی درد کا باعث بنتا ہے۔

جسمانی سرگرمیوں سے دوری

اگرچہ آرام جسم کے لیے ضروری ہوتا ہے مگر کمر میں درد کئی بار اس بات کا اشارہ ہوتا ہے کہ اپنی زندگی میں جسمانی سرگرمیوں کو شامل کرلیں۔

ماہرین کے مطابق جسمانی سرگرمیوں سے جسمانی صحت کو فائدہ ہوتا ہے اور یہ عادت کمر درد سے بچانے میں مددگار ثابت ہوتی ہے۔

پنڈلیوں میں تکلیف سے پریشان رہتے ہیں؟ تو اس سے جلد نجات دلانے میں مددگار طریقے جانیں

پنڈلیوں میں تکلیف کا سامنا بھی دنیا بھر میں کروڑوں افراد کو ہوتا ہے۔

بہت زیادہ سخت ورزش کرنا

جسمانی سرگرمیاں کمر کو صحت مند رکھنے کے لیے ضروری ہیں مگر کسی نئی ورزش کو بہت زیادہ شدت سے کرنے سے کمر کو منفی اثرات کا سامنا ہوتا ہے۔

ماہرین نے بتایا کہ اکثر کسی ورزش کو بہت زیادہ کرنے سے کمر میں تکلیف یا انجری کا سامنا ہوتا ہے۔

انہوں نے مزید بتایا کہ ویسے تو کسی نئی ورزش کو اپنانے سے کمر میں تکلیف غیرمعمولی نہیں مگر یہ ضروری ہے کہ احتیاط کے ساتھ ورزش کی شدت کو بتدریج بڑھایا جائے تاکہ کمر درد سے بچنے میں مدد مل سکے۔

ٹوائلٹ میں فون لے جانے کی عادت کے اثرات دنگ کر دیں گے

فون کو ٹوائلٹ میں لے جانے کا خیال ہی اچھا نہیں مگر پھر بھی متعدد افراد ایسا کرتے ہیں۔

سونے کا انداز

اگر آپ اکثر رات کو کمر میں تکلیف کے ساتھ جاگتے ہیں تو اس کی وجہ آپ کے سونے کا انداز ہوسکتا ہے۔

ویسے تو اس حوالے سے سونے کے کسی انداز کو بہترین قرار نہیں دیا جاسکتا مگر پیٹ کے بل سونے کی عادت کمر درد کا شکار بنا سکتی ہے یا اس کی شدت میں اضافہ کرسکتی ہے۔

اس کے مقابلے میں کمر کے بل لیٹنے سے کمر درد سے بچنے میں مدد ملتی ہے۔

اگر سر کے ساتھ ساتھ گھٹنوں کے نیچے بھی ایک تکیہ رکھ لیں تو اس مسئلے سے بچنے میں زیادہ مدد ملتی ہے۔

ذیابیطس، امراض قلب، جگر کے امراض اور کینسر سے بچانے میں مددگار بہترین غذائیں

جب ورم دائمی شکل اختیار کرلے تو ذیابیطس، امراض قلب، الزائمر، جگر کے امراض اور کینسر کا خطرہ بڑھتا ہے۔

تمباکو نوشی

تمباکو نوشی کی عادت کمر درد اور ریڑھ کی ہڈی کے مہروں میں مسائل کا باعث بنتی ہے۔

تحقیقی رپورٹس میں دریافت کیا گیا کہ تمباکو نوشی سے نہ صرف عمر میں اضافے کے ساتھ ہڈیاں کمزور ہوتی ہیں بلکہ اس سے کمر اور جوڑوں کے مسلز کی شریانوں کو بھی نقصان پہنچتا ہے۔

تمباکو میں موجود نکوٹین سے خون کی شریانیں سکڑ جاتی ہیں اور ریڑھ کی ہڈی تک غذائی اجزا اور آکسیجن کی کم مقدار پہنچتی ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔