وہ عام ترین غلطی جو دانتوں پر برش کے باوجود سانس کی بو کا باعث بنتی ہے

جب بھی آپ ڈاکٹر کے پاس جاتے ہیں تو وہ اکثر منہ کھولنے کا کہتا ہے تاکہ گلے کا معائنہ کرسکیں۔

مگر ایسا کرتے ہوئے وہ آپ کی زبان کو بھی چیک کرتا ہے جس سے صحت کے بارے میں کافی کچھ معلوم ہوتا ہے۔

ڈاکٹر زبان کی سطح پر کسی بھی طرح کی تبدیلیوں کو دیکھتے ہیں تاکہ مجموعی صحت اور مدافعتی نطام کے بارے میں معلوم ہوسکے۔

یہی وجہ ہے کہ ڈاکٹروں کی جانب سے روزانہ 2 بار زبان کی صفائی کا مشورہ دیا جاتا ہے جس سے سانس کی بو سے نجات پانے سے مدد ملتی ہے۔

نزلہ زکام سے بچانے میں مددگار آسان ٹوٹکے

یہ گھریلو ٹوٹکے نزلہ زکام سے مکمل نجات تو نہیں دلاتے مگر ان سے مختلف علامات کی شدت میں کمی لانے میں مدد ملتی ہے۔

سانس کی بو کی متعدد وجوہات ہوسکتی ہیں اور 80 سے 85 فیصد کیسز میں اس کی وجہ منہ میں موجود بیکٹریا ہوتے ہیں۔

مگر لوگوں کی ایک بہت عام غلطی بھی سانس کی بو کے مسئلے کا باعث بنتی ہے۔

عام طور پر زبان، دانتوں اور مسورڑوں پر غذا کے ذرات کا اجتماع سانس کی بو سے متاثر ہونے کی ایک بڑی وجہ ہے۔

یہ ذرات جب سڑ جاتے ہیں تو ناخوشگوار بو سانس سے خارج ہونے لگتی ہے۔

کمر درد کا شکار بنانے والی 7 عام وجوہات

جب کمر درد معمول بن جائے تو یہ اس بات کا عندیہ ہوتا ہے کہ جسم کے اندر کچھ سنگین چل رہا ہے۔

اس کا علاج تو دانتوں کے برش اور خلال کو یقینی بنانا ہے مگر ایک غلطی جو لوگ کرتے ہیں وہ زبان کی جانب توجہ مرکوز نہ کرنا ہے۔

مخصوص بیکٹریا زبان پر موجود ہوتے ہیں جو خوراک کے ذرات کے ساتھ مل کر سانس میں بو کا باعث بنتے ہیں۔

برش کے ریشوں کے پیچھے موجود حصے کو زبان پر پھیرنے سے وہاں اکٹھے ہوجانے والے بیکٹریا کی صفائی ہوتی ہے۔

اس سے سانس کی بو کے مسئلے کی روک تھام آسان ہوجاتی ہے۔

قبض سے فوری ریلیف دلانے والے 6 بہترین ٹوٹکے

کلیو لینڈ کلینک کے ماہرین کی جانب سے اس مسئلے سے فوری نجات دلانے کے لیے چند بہترین ٹوٹکے بتائے گئے ہیں۔

آسان الفاظ میں اگر آپ کو اکثر سانس میں بو کے مسئلے کا سامنا ہوتا ہے تو دانتوں پر برش کے ساتھ ساتھ زبان کی صفائی کو معمول بنانے سے اس کی روک تھام ممکن ہوسکتی ہے۔

زبان کی صفائی کیسے کریں؟

زبان کی صفائی کے لیے 10 سے 15 سیکنڈز درکار ہوتے ہیں اور اسے آسانی سے دانتوں کی صفائی کے معمول کا حصہ بنایا جاسکتا ہے۔

اس کے لیے زبان کو عام ٹوتھ برش سے نرمی سے رگڑیں تاکہ اس کی سطح پر چپکے خوراک کے تمام ذرات نکل جایں اور وہاں بیکٹریا کا اجتماع نہ ہوسکے۔

باداموں کو کتنی دیر تک بھگو کر رکھ کر کھانے سے صحت کو فائدہ ہوتا ہے؟

اہم سوال یہ ہے کہ اگر آپ بادام بھگو کر کھانا پسند کرتے ہیں تو انہیں کتنی دیر تک پانی میں رکھنا چاہیے؟

زبان کی صفائی کے لیے بازار میں خصوصی tongue scraper بھی ملتے ہیں۔

زبان کی صفائی سے نہ صرف سانس کی بو سے نجات ملتی ہے بلکہ مسوڑوں کے امراض سمیت دیگر طبی پیچیدگیوں سے بچنے میں بھی مدد ملتی ہے۔

زبان کی رنگت پر نظر رکھیں

اگر آپ کی زبان پر سفید تہہ نظر آرہی ہے تو یہ کھانے کے ذرات اور جراثیموں کے اجتماع کا نتیجہ ہے۔

وہ 8 عادات یا کام جن کو نظرانداز کرنا گردوں کے امراض کا شکار بنا دیتا ہے

آپ ایسا بہت کچھ کر سکتے ہیں جن سے گردوں کو طویل عرصے تک صحت مند رکھا جاسکتا ہے۔

اس سفید کو تہہ کو زبان نرمی سے رگڑنے سے صاف کیا جاسکتا ہے۔

اگر زبان پر پیلی تہہ بن چکی ہے تو اس سے فنگل انفیکشن کا اشارہ ملتا ہے، اگر زبان سیاہ ہورہی ہے تو یہ تمباکو نوشی یا گہرے رنگ کی غذاؤں یا مشروبات کے استعمال کا نتیجہ ہوسکتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔