نزلہ زکام سے بچانے میں مددگار آسان ٹوٹکے

یقین کرنا مشکل ہوگا مگر موسمی نزلہ زکام کا اب تک کوئی مؤثر علاج موجود نہیں بلکہ اس سے نجات کے لیے چند دن تک انتظار کرنا ہوتا ہے۔

مگر متعدد قدرتی ٹوٹکے ایسے ہیں جن سے عارضی ریلیف مل جاتا ہے۔

نزلہ زکام کے دوران جسمانی درد، حرارت، ٹھنڈ محسوس ہونا اور ناک بند ہونے جیسی علامات سے ہمیں اپنی حالت کافی خراب محسوس ہونے لگتی ہے۔

یہ گھریلو ٹوٹکے نزلہ زکام سے مکمل نجات تو نہیں دلاتے مگر ان سے مختلف علامات جیسے جسمانی درد، بخار، ناک بند ہونے اور کپکپی وغیرہ کی شدت میں کمی لانے میں مدد ملتی ہے۔

کمر درد کا شکار بنانے والی 7 عام وجوہات

جب کمر درد معمول بن جائے تو یہ اس بات کا عندیہ ہوتا ہے کہ جسم کے اندر کچھ سنگین چل رہا ہے۔

تو ایسے ٹوٹکے جانیں جو نزلہ زکام کی علامات کی شدت میں نمایاں کمی لا سکتے ہیں۔

چکن سوپ

چکن سوپ واقعی نزلے کی علامات کی شدت میں کمی لانے کے لیے مؤثر ہے، یہاں تک کہ اس کی بھاپ کو سونگھنے سے بھی بند ناک کھل سکتی ہے۔

سوپ کو پینے سے جسم میں سیال کی کمی کو دور کرنے میں مدد ملتی ہے جبکہ گرم اور نمکین سوپ گلے کی سوجن کو کم کرتا ہے۔

قبض سے فوری ریلیف دلانے والے 6 بہترین ٹوٹکے

کلیو لینڈ کلینک کے ماہرین کی جانب سے اس مسئلے سے فوری نجات دلانے کے لیے چند بہترین ٹوٹکے بتائے گئے ہیں۔

ادرک

اینٹی آکسائیڈنٹس خصوصیات کے ساتھ ساتھ ادرک کو ورم کش بھی تصور کیا جاتا ہے اور اس کے استعمال سے مسلز کی تکلیف اور متلی کی کیفیت پر قابو پانے میں مدد ملتی ہے۔

ادرک کی چائے کا استعمال اس حوالے سے مددگار ثابت ہوتا ہے جس کو پینے سے مسلز کی تکلیف میں کمی آتی ہے اور گلے کی خراش کم ہوتی ہے۔

شہد

شہد جراثیم کش ہوتا ہے اور چائے میں لیموں کے ساتھ اسے استعمال کرنے سے گلے کی خراش میں کمی آتی ہے۔

باداموں کو کتنی دیر تک بھگو کر رکھ کر کھانے سے صحت کو فائدہ ہوتا ہے؟

اہم سوال یہ ہے کہ اگر آپ بادام بھگو کر کھانا پسند کرتے ہیں تو انہیں کتنی دیر تک پانی میں رکھنا چاہیے؟

تحقیقی رپورٹس سے عندیہ ملتا ہے کہ شہد کسی کھانسی کے شربت جیسا کام کرتا ہے۔

لہسن

ایک تحقیق کے مطابق لہسن کے سپلیمنٹس کا روزانہ استعمال نزلہ زکام سے بچانے میں مددگار ثابت ہوسکتا ہے مگر اس حوالے سے مزید تحقیق کی ضرورت ہے۔

البتہ لہسن کے استعمال سے نزلہ زکام کی علامات کی شدت میں کسی حد تک کمی ضرور آسکتی ہے۔

وہ 8 عادات یا کام جن کو نظرانداز کرنا گردوں کے امراض کا شکار بنا دیتا ہے

آپ ایسا بہت کچھ کر سکتے ہیں جن سے گردوں کو طویل عرصے تک صحت مند رکھا جاسکتا ہے۔

وٹامن سی

اس وٹامن کی نزلہ زکام سے لڑنے کے حوالے سے کافی تحقیقی کام ہوا ہے اور کچھ رپورٹس کے مطابق اس سے نزلے کے دورانیے میں ایک دن کی کمی لانا ممکن ہے۔

مگر نزلہ زکام سے متاثر ہونے کے بعد وٹامن سی کے استعمال سے علامات کی شدت میں کوئی خاص کمی نہیں آتی بلکہ پہلے سے اس کا استعمال عادت بنانا ضروری ہے۔

پرو بائیوٹیکس کا استعمال

پرو بائیوٹیکس ہمارے جسم کے لیے مفید بیکٹریا ہوتے ہیں جو مختلف غذاؤں اور سپلیمنٹس میں موجود ہوتے ہیں۔

آنکھوں کے گرد سیاہ حلقوں سے پریشان؟ تو ان سے جلد نجات دلانے میں مددگار طریقے جانیں

ہوسکتا ہے کہ یہ حلقے آپ کو پریشان کریں مگر حقیقت تو یہ ہے کہ ان کی موجودگی انسانی شخصیت کے لیے معمول کا حصہ ہے۔

یہ بیکٹریا معدے اور مدافعتی نظام کو صحت مند رکھنے کے ساتھ ساتھ بالائی نظام تنفس کے امراض جیسے نزلہ زکام اور کھانسی سے متاثر ہونے کا خطرہ کم کرتے ہیں یا بیماری کا دورانیہ گھٹ جاتا ہے۔

دہی میں پرو بائیوٹیکس کی مقدار کافی زیادہ ہوتی ہے تو اسے کھانا صحت کے لیے مفید ہوتا ہے۔

گرم چائے

یہ مشروب بھی چکن سوپ کی طرح کام کرتا ہے، اس کے بھاپ میں سانس لینے سے بند ناک کھلتی ہے جبکہ اسے پینے سے گلے کو سکون ملتا ہے اور جسم میں پانی کی کمی دور ہوتی ہے۔

پنڈلیوں میں تکلیف سے پریشان رہتے ہیں؟ تو اس سے جلد نجات دلانے میں مددگار طریقے جانیں

پنڈلیوں میں تکلیف کا سامنا بھی دنیا بھر میں کروڑوں افراد کو ہوتا ہے۔

سیاہ اور سبز چائے پینا عادت بنانے سے نزلہ زکام کو دور رکھنے میں بھی مدد مل سکتی ہے۔

بھاپ سے مدد لیں

بھاپ میں سانس لینے سے بند ناک کو کھولنے میں مدد ملتی ہے جبکہ نزلے کی علامات کی شدت بھی کم ہوتی ہے۔

نمک ملے پانی سے غرارے

نمک ملے پانی سے غرارے کرنے سے گلے کی سوجن میں کمی آتی ہے جبکہ جراثیموں کا خاتمہ ہوتا ہے۔ دن میں 4 بار غرارے کرنے سے اس حوالے سے مدد مل سکتی ہے۔

ٹوائلٹ میں فون لے جانے کی عادت کے اثرات دنگ کر دیں گے

فون کو ٹوائلٹ میں لے جانے کا خیال ہی اچھا نہیں مگر پھر بھی متعدد افراد ایسا کرتے ہیں۔

وکس

ناک بہنے یا بند ہونے سے حالت کافی خراب محسوس ہوتی ہے جس سے ریلیف کا ایک آسان نسخہ وکس کی کچھ مقدار کو ناک کے نیچے یعنی ہونٹ پر لگانا ہے یا سینے یا گلے پر بھی اس کی مالش کی جاسکتی ہے۔

وکس میں موجود مینتھول سے کھانسی کی شدت بھی کم ہوتی ہے اور سانس کی بند نالیاں کھلتی ہیں۔

مختلف تیل بھی مددگار

مختلف اقسام کے تیل بھی نزلہ زکام اور نظام تنفس کی دیگر امراض کی علامات کی شدت میں کمی لانے میں مددگار ثابت ہوسکتے ہیں۔

پودینے، ٹی ٹری آئل اور یوکلپٹس اس حوالے سے مددگار ثابت ہوسکتے ہیں۔

ذیابیطس، امراض قلب، جگر کے امراض اور کینسر سے بچانے میں مددگار بہترین غذائیں

جب ورم دائمی شکل اختیار کرلے تو ذیابیطس، امراض قلب، الزائمر، جگر کے امراض اور کینسر کا خطرہ بڑھتا ہے۔

اس مقصد کے لیے نہانے سے قبل پانی میں ان میں سے کسی تیل کے چند قطرے شامل کردیں۔

مدافعتی نظام مضبوط بنائیں

مدافعتی نظام کو مضبوط بنانے سے آپ مستقبل میں نزلہ زکام یا فلو کی علامات سے خود کو محفوظ رکھ سکتے ہیں۔

اس مقصد کے لیے ہر رات کم از کم 7 گھنٹے نیند کو یقینی بنائیں، صحت کے لیے بہترین غذا کا استعمال اور ورزش کرنا عادت بنائیں۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔