19 اکتوبر ، 2024 
سندھ میں متوازی ہاکی ایسوسی ایشن بنانیوالے 4 افراد پر 10 سال کی پابندی عائد
19 اکتوبر ، 2024
مئیر کراچی اور صدر سندھ ہاکی ایسوسی ایشن مرتضیٰ وہاب نے 50 سے زائد گول کھانے پر صوبے میں متوازی ہاکی ایسوسی ایشن بنانے پر چار افراد پر 10 سال کی پابندی لگا دی۔
سندھ اولمپکس ایسوسی ایشن نے بھی مرتضیٰ وہاب کے فیصلے کی توثیق کر دی ہے۔
کے ایچ اے اسپورٹس کمپلیکس میں سندھ ہاکی ایسوسی ایشن کے صدر اور میئر کراچی بیرسٹر مرتضیٰ وہاب کی سربراہی میں ایگزیکٹو بورڈ کا اجلاس ہوا جس میں سیکرٹری اکبر علی قائمخانی نے بتایا کہ نیشنل جونئیر ہاکی چیمپئن شپ میں متوازی سندھ ہاکی ایسوسی ایشن کی منتخب ٹیم نے حصہ لیا جس نے 50 سے زائد گول کھائے۔
انہوں نے بتایا کہ پاکستان ہاکی فیڈریشن کے قوانین کے مطابق کوئی بھی شخص متوازی ہاکی سرگرمیوں میں پایا جائے گا تو اس پر تاحیات پابندی لگائی جائے گی۔
ایگزیکٹو بورڈ کے اجلاس میں محمد رمضان جمالی سمیت تین افراد پر 10 سال کی پابندی لگا عائد کر دی گئی۔
سندھ اولمپکس ایسوسی ایشن نے بھی فیصلےکی توثیق کی اور محکمہ کھیل سندھ کو فیصلے سے آگاہ کر دیا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
