25 اکتوبر ، 2024 
پاکستان
نواز شریف کے لندن جانے کے پروگرام میں تبدیلی کا امکان
25 اکتوبر ، 2024
لاہور: مسلم لیگ (ن) کے صدر نواز شریف کے لندن جانے کے پروگرام میں تبدیلی کا امکان ہے۔
پارٹی ذرائع کے مطابق نواز شریف آج دبئی کیلئے روانہ ہوں گے لیکن ان کے لندن پہنچنے کے حوالے سے اب تک حتمی فیصلہ نہیں ہوا۔
ذرائع کا کہنا ہے کہ نواز شریف کے لندن کے پروگرام میں تبدیلی کا امکان ہے، وہ شیڈول کےمطابق جمعہ کو ہی پاکستان سےدبئی جائیں گے۔
شیڈول کےمطابق نوازشریف نےایک دن دبئی رک کرہفتہ کولندن پہنچنا تھا لیکن اب وہ منگل کو لندن پہنچ سکتے ہیں۔
پارٹی ذرائع کا کہنا ہے کہ نواز شریف کے لندن پہچنے پر (ن) لیگ برطانیہ نے ان کے پرجوش استقبال کا اعلان کیا ہے۔
