02 نومبر ، 2024 
ٹرمپ گنتی سے قبل ہی جیت کا اعلان کرسکتے ہیں: ہیرس کی انتخابی مہم کے سینیئر رکن کی تنقید
02 نومبر ، 2024
کملا ہیرس کی انتخابی مہم ٹیم کے سینیئر رکن کا کہنا ہے ڈونلڈ ٹرمپ انتخابی دن ووٹوں کی گنتی سے پہلے ہی اپنی جیت کے اعلان کا دعویٰ کرسکتے ہیں، ان سے کسی بھی چیز کی توقع کی جاسکتی ہے۔
امریکی صدارتی انتخابات میں صرف تین دن باقی رہ گئے، ڈیموکریٹ امیدوار کملا ہیرس اور ریپلکنز کے ڈونلڈ ٹرمپ کی جانب سے سوئنگ اسٹیٹ میں ووٹروں کو کو قائل کرنے کی سر توڑ کوششیں جاری ہیں۔
ڈونلڈ ٹرمپ اور کملا ہیرس آج سے امریکی ریاست وسکونسن میں مہم کا آغاز کر رہے ہیں۔
امریکی میڈیا کے مطابق کملا ہیرس کی انتخابی مہم کے سینیئر رکن کا کہنا تھا کہ اس میں کوئی حیرت کی بات نہیں ہے کہ ٹرمپ ووٹوں کی گنتی سے قبل ہی اپنی جیت کا دعویٰ کردیں کیونکہ وہ ہر وقت جھوٹ بولتے رہتے ہیں تاکہ اپنی شکست کو مشکوک بنا سکیں ہیں جس کی انہیں پوری توقع ہے۔
ان کا کہنا تھا کہ ٹرمپ یہ کام پہلے بھی کرچکے ہیں اور انہیں ناکامی کا منہ دیکھنا پڑا جبکہ ڈونلڈ ٹرمپ کی انتخابی مہم جو کچھ کر رہی ہے اس سے قطع نظر کملا ہیرس اپنی انتخابی مہم کے ذریعے یہ یقینی بنانے کی کوشش کر رہی ہیں کہ ہر ووٹ اہمیت رکھتا ہے۔
ہیرس کی انتخابی مہم کے سینیئر رکن کا کہنا تھا کہ ہم ہر اس بات کا بھرپور جواب دینے کیلئے پوری طرح تیار ہیں جو الزامات ڈونلڈ ٹرمپ کی کیمپین ہم پر لگا رہی ہے، ہم ان کے محاسبے کیلئے بلکل تیار ہیں۔
مزید خبریں :
ایلون مسک کی دولت ریکارڈ 348 ارب ڈالرز تک پہنچ گئی
8 گھنٹے پہلے
