گلگت… کوہستان میں ٹارگٹ کلنگ کے واقعے میں جاں بحق ہونیوالے16افراد کی نماز جنازہ ادا کر دی گئی،گلگت میں کرفیو نافذ ہے، واقعہ کے خلاف مختلف شہروں میں احتجاج کیاجارہا ہے،وفاقی وزیر داخلہ رحمن ملک گلگت پہنچ گئے ہیں۔گذشتہ روز کے سانحے کے بعد گلگت اور ہنزہ نگر میں کشیدگی ہے ،گلگت میں دوپہر بارہ بجے سے کرفیو نافذ ہے ،سانحہ میں جاں بحق ہونے والوں کی اجتماعی نماز جنازہ امامیہ جامع مسجد میں ادا کی گئی جس کے بعد میتوں کو ان کے آبائی علاقوں کی طرف روانہ کردیا گیا۔ دنیور اور ملحقہ علاقوں کے لوگوں نے گلگت کی طرف احتجاجی لانگ مارچ شروع کردیا ہے۔ کسی بھی ہنگامی صورتحال سے نمٹنے کے لئے پولیس کی بھاری نفری طلب کرلی گئی۔ اسکردو میں امامیہ اسٹوڈنٹس آرگنائزیشن نیچوک یادگار شہدا پر احتجاج کیا،،استور میں واقعے کیخلاف ہڑتال کی جارہی ہے ،،مرکزی بازار میں واقعہ پر احتجاج کرتے ہوئے مظاہرین نیٹائر جلا کر روڈ بلاک کیا۔ ،شہر میں تمام تعلیمی و سرکاری ادارے بند ہیں اور ٹرانسپورٹ غائب ہے۔وزیراعلی گلگت بلتستان نے جاں بحق ہونے والوں کے لواحقین کو فی کس دس لاکھ روپے اور قریبی عزیز کو نوکری دینے کا اعلان کیا ہے۔ دوسری جانب وفاقی وزیر داخلہ رحمٰن ملک وزیراعظم یوسف رضا گیلانی کی ہدایت پر گلگت پہنچ گئے ہیں۔