20 نومبر ، 2024 
دنیا
فوٹو: اسکرین شاٹ/ فائل
ایران کی یونیورسٹی میں زیرجامہ میں چہل قدمی کرنے پرگرفتار طالبہ کو رہا کردیا گیا
20 نومبر ، 2024
ایران کی یونیو رسٹی میں چند روز قبل زیرجامہ میں چہل قدمی کرنے پرگرفتار طالبہ کو رہا کردیا گیا۔
ایرانی میڈیا کے مطابق ایران کی عدلیہ نے طالبہ کے خلاف فرد جرم عائد نہیں کی۔ عدلیہ کے ترجمان اصغر جہانگیر کا کہنا ہے کہ لڑکی کے اسپتال میں معائنہ پر اس کی بیماری ظاہر ہوئی ، جس کےبعد اس کو اہل خانہ کے حوالے کر دیا گیا ہے اور اس کے خلاف کوئی عدالتی مقدمہ درج نہیں کیا گیا۔
رواں ماہ کے شروع میں ایک طالبہ کی فوٹیج آن لائن وائرل ہوئی تھی جس میں اسے تہران کی اسلامی آزاد یونیورسٹی میں زیرجامہ میں چہل قدمی کرتے ہوئے دکھایا گیا تھا۔
