04 دسمبر ، 2024 
زمبابوے کیخلاف آخری ٹی ٹوئنٹی کیلئے پاکستان ٹیم میں 4 تبدیلیاں
04 دسمبر ، 2024
زمبابوے کے خلاف تیسرے اور آخری ٹی ٹوئنٹی میچ کیلئے پاکستان پلیئنگ الیون کا اعلان کر دیا گیا۔
میزبان زمبابوے کے خلاف 3 میچز کی ٹی ٹوئنٹی سیریز کے آخری میچ کیلئے پاکستان ٹیم میں 4 تبدیلیاں کی گئی ہیں۔
سیریز کے پہلے 2 ٹی ٹوئنٹی کھیلنے والے صائم ایوب ، عرفان خان، حارث رؤف اور ابرار احمد کو آخری میچ کیلئے ٹیم میں شامل نہیں کیا گیا۔
ان کی جگہ صاحبزادہ فرحان، قاسم اکرم ،عرفات منہاس اور محمد حسنین کو ٹیم میں جگہ ملی ہے۔
زمبابوے کے خلاف آخری ٹی ٹوئنٹی کیلئے پاکستان ٹیم میں کپتان سلمان علی آغا، صاحبزادہ فرحان،عمیر بن یوسف، عثمان خان،طیب طاہر، قاسم اکرم ، عرفات منہاس، جہانداد خان، عباس آفریدی، محمد حسنین اور سفیان مقیم شامل ہیں۔
واضح رہے کہ پاکستان اور زمبابوے کے درمیان تیسرا اور آخری ٹی ٹوئنٹی کل کھیلا جائے گا۔گرین شرٹس کو سیریز میں 0-2 کی فیصلہ کن برتری حاصل ہے۔
