04 دسمبر ، 2024 
اسلام آباد ہائیکورٹ میں بشریٰ بی بی کی ضمانت منسوخی کی درخواست سماعت کیلئے مقرر
04 دسمبر ، 2024
اسلام آباد ہائی کورٹ میں عمران خان کی اہلیہ بشریٰ بی بی کی ضمانت منسوخی کی ایف آئی اے کی درخواست کل سماعت کے لیے مقرر کردی گئی۔
ایف آئی اے کی جانب سے توشہ خانہ کیس ٹو میں بشریٰ بی بی کی ضمانت منسوخی کے لیے اسلام آباد ہائی کورٹ میں درخواست دائر کی گئی ہے۔
ایف آئی اے کی جانب سے بشریٰ بی بی کی مسلسل عدم پیشی پر ضمانت منسوخ کرنے کی استدعا کی گئی ہے۔
ایف آئی اے کی جانب سے دائر درخواست میں مؤقف اختیار کیا گیا ہےکہ عدالت نے آرڈر میں لکھا تھا کہ ضمانت کا غلط استعمال نہیں کیا جائےگا۔ بشریٰ بی بی ضمانت ملنے کے بعد اکثر سماعتوں میں پیش نہیں ہو رہی ہیں۔ عدالت سے درخواست ہے کہ بشریٰ بی بی کی ضمانت منسوخ کرے۔
اسلام آباد ہائی کورٹ کے جسٹس میاں گل حسن اورنگزیب کل درخواست کی سماعت کریں گے۔
