پیٹ پھولنے اور گیس کے مسئلے سے نجات دلانے والی بہترین غذائیں

ہم سب کے ساتھ ایسا ہوتا ہے یعنی ایسا محسوس ہوتا ہے جیسے پیٹ بہت زیادہ بھرنے سے پھول گیا ہے۔

کھانے کے بعد پیٹ کا پھول جانا عموماً کسی تشویش کا باعث نہیں ہوتا مگر یہ تجربہ اکثر افراد کے لیے پریشان کن ہوتا ہے۔

پیٹ پھولنے کا مسئلہ اس وقت ہوتا ہے جب معدے یا آنتوں میں گیس کی مقدار بڑھ جاتی ہے اور عموماً متاثرہ فرد کچھ دیر میں خود ہی ٹھیک ہو جاتا ہے۔

مگر اچھی بات یہ ہے کہ چند عام غذاؤں کے استعمال سے پیٹ پھولنے کے مسئلے سے بچنے میں مدد ملتی ہے۔

وہ غذائیں جن کو پکانے سے قبل دھونا نہیں چاہیے

کچھ غذاؤں کو دھونا بہت ضروری ہوتا ہے مگر تمام غذاؤں کو کھانے یا پکانے سے قبل دھونا ضروری نہیں۔

مالٹے

مالٹے فائبر اور پانی کے حصول کا اچھا ذریعہ ہیں جس سے معدے میں سیال کا ذخیرہ نہیں ہوتا ہے جبکہ آنتوں کے افعال بہتر ہوتے ہیں۔

مالٹوں میں وٹامن سی کی مقدار بھی کافی زیادہ ہوتی ہے جس سے معدے میں موجود صحت کے لیے مفید بیکٹیریا کی نشوونما بڑھتی ہے اور پیٹ پھولنے کا خطرہ کم ہوتا ہے۔

کیلے

فائبر کے ساتھ ساتھ کیلوں میں پوٹاشیم نامی غذائی جز بھی موجود ہوتا ہے۔

گردوں میں پتھری کا خطرہ کیسے کم کریں؟

زیادہ تر جن افراد کو ایک بار گردوں میں پتھری کا سامنا ہوتا ہے، انہیں مستقبل میں بھی کم از کم ایک بار ضرور اس عارضے کا علاج کرانا پڑتا ہے۔

پوٹاشیم جسم میں نمکیات کی سطح کو ریگولیٹ کرتا ہے اور سیال کو جمع نہیں ہونے دیتا۔

ایک تحقیق میں دریافت کیا گیا کہ کیلے کھانے سے پیٹ پھولنے کا امکان کم ہوتا ہے۔

ایک اور تحقیق میں دریافت کیا گیا کہ کھانے سے قبل ایک کیلے کو کھانے سے پیٹ پھولنے کے مسئلے کا سامنا کم ہوتا ہے۔

ماہرین کے مطابق پوٹاشیم اور دیگر غذائی اجزا معدے میں موجود بیکٹیریا کو اضافی گیس بنانے سے روکتے ہیں۔

بالوں کی خشکی دور کرنے کیلئے بہترین طریقے جانیں

اس مسئلے کے حل کے لیے شیمپو کا استعمال عام ہوتا ہے مگر گھر میں موجود چند عام چیزوں سے بھی اسے کنٹرول کیا جاسکتا ہے۔

انناس

انناس میں فائبر موجود ہوتا ہے جبکہ اس میں bromelain نامی ایسے انزائمے بھی ہوتے ہیں جو نظام ہاضمہ کے لیے مفید ہوتے ہیں۔

ایک تحقیق میں دریافت کیا گیا کہ انناس کے جوس سے معدے میں ورم کم ہوتا ہے جس سے پیٹ پھولنے کا خطرہ کم ہوتا ہے۔

بیریز

بیریز جیسے اسٹرابیری میں فائبر کی مقدار کافی زیادہ ہوتی ہے جس سے نظام ہاضمہ کی صحت بہتر ہوتی ہے۔

ایڑیاں پھٹنے سے پریشان؟ تو اس سے نجات دلانے والے بہترین طریقے جانیں

یہ پیروں کا بہت عام مسئلہ ہے اور لگ بھگ ہر 100 میں سے 20 افراد کو اس کا سامنا ہوتا ہے۔

اس کے ساتھ ساتھ بیریز میں ایسے اینٹی آکسائیڈنٹس بھی ہوتے ہیں جو معدے کی صحت کو بہتر بناتے ہیں۔

پپیتا

ایک تحقیق میں بتایا گیا کہ اس پھل کو نظام ہاضمہ کے مسائل کی روک تھام کے لیے استعمال کیا جاسکتا ہے۔

تحقیق میں دریافت ہوا کہ پپیتا کھانے والے افراد کو پیٹ پھولنے اور قبض جیسے مسائل کا سامنا کم ہوتا ہے۔

6 گھنٹے سے کم نیند سے جسم پر کیا اثرات مرتب ہوتے ہیں؟

یہ ایک عادت متعدد امراض کا شکار بناسکتی ہے جبکہ دیگر مسائل الگ ہیں۔

ٹماٹر

ٹماٹروں میں ایسے مرکبات موجود ہوتے ہیں جو معدے میں صحت کے لیے مفید بیکٹیریا کی نشوونما میں کردار ادا کرتے ہیں۔

یہ مرکبات پیٹ پھولنے کا سامنا کرنے والے افراد کے لیے مفید ہوتے ہیں اور انہیں اس مسئلے سے بچنے میں مدد ملتی ہے۔

دالیں

دالوں میں بھی فائبر کی مقدار کافی زیادہ ہوتی ہے جبکہ ان میں موجود کاربوہائیڈریٹس غذا کو ہضم کرنے کا عمل سست کرتے ہیں۔

روزانہ کچھ مقدار میں مونگ پھلی کھانے سے صحت پر کیا اثرات مرتب ہوتے ہیں؟

مونگ پھلی کو مختلف شکلوں میں کھایا جاتا ہے مگر کیا یہ صحت کے لیے فائدہ مند ہے؟

اس سے پیٹ پھولنے کا خطرہ کم ہوتا ہے جبکہ غذائی نالی کی صحت بہتر ہوتی ہے۔

گاجر

گاجروں میں وٹامن اے کی مقدار کافی زیادہ ہوتی ہے جو معدے کے افعال کے لیے بہت اہم ہوتا ہے۔

ایک تحقیق میں بتایا گیا کہ غذائی ذرائع سے حاصل کردہ وٹامن اے معدے میں موجود صحت کے لیے مفید بیکٹیریا کی تعداد میں اضافہ کرتا ہے۔

آدھے سر کے درد کو آپ سے دور رکھنے میں مددگار آسان ٹپس

اس تکلیف کے ساتھ کچھ بھی کرنا بہت مشکل ثابت ہوتا ہے اور کسی کو معلوم نہیں کہ اس کا سامنا کب ہو جائے۔

ہلدی

ہلدی میں موجود مرکبات پیٹ پھولنے کے مسئلے سے بچانے میں کردار ادا کرتے ہیں۔

تحقیقی رپورٹس سے ثابت ہوا ہے کہ ہلدی کے استعمال سے نظام ہاضمہ بہتر ہوتا ہے اور پیٹ پھولنے سے متاثر ہونے پر ریلیف ملتا ہے۔

پالک

پالک بھی فائبر سے بھرپور سبزی ہے۔

ذیابیطس کا شکار ہونے کا عندیہ دینے والی عام علامات

ذیابیطس کی 2 اہم اقسام ٹائپ 1 اور ٹائپ 2 ہیں اور ان دونوں کی ابتدائی اہم علامات ایک جیسی ہوتی ہیں۔

تحقیقی رپورٹس سے ثابت ہوتا ہے کہ اس کو کھانے سے نظام ہاضمہ کو فائدہ ہوتا ہے اور پیٹ پھولنے یا گیس کا سامنا کم ہوتا ہے۔

پالک کے استعمال سے بھی معدے میں موجود صحت کے لیے مفید ایک مخصوص بیکٹیریا کی تعداد میں اضافہ ہوتا ہے۔

جو

جو میں فائبر کی مقدار کافی زیادہ ہوتی ہے جبکہ اس میں کاربوہائیڈریٹ کی ایک قسم beta-glucan بھی موجود ہوتی ہے جو معدے کے ورم کی روک تھام کرتی ہے۔

ہر عمر میں جِلد کو ہموار اور جگمگا کر رکھنا چاہتے ہیں؟ تو یہ آسان عادات آج ہی اپنالیں

جِلد پر عمر سے مرتب ہونے والے اثرات کے حوالے سے جینز اہم کردار ادا کرتے ہیں مگر طرز زندگی کی چند عادات بھی اہم ہوتی ہیں۔

یہی وجہ ہے کہ جو کا دلیہ کھانے والے افراد کو پیٹ پھولنے یا اضافی گیس جیسے مسائل کا سامنا بہت کم ہوتا ہے۔

ادرک کی چائے

پیٹ پھولنے یا اضافی گیس سے پریشان رہتے ہیں تو ادرک کے استعمال سے ریلیف مل سکتا ہے۔

ادرک سے نظام ہاضمہ کو فائدہ ہوتا ہے اور معدہ جلد خالی ہوتا ہے جس سے پیٹ پھولنے کے مسئلے کا سامنا نہیں ہوتا۔

بیشتر افراد کی پسندیدہ وہ چیز جو ذیابیطس، دل اور گردوں کے امراض کا شکار بنادیتی ہے

دنیا بھر میں سافٹ ڈرنکس کے استعمال کی شرح میں مسلسل اضافہ دیکھنے میں آیا ہے۔

اس حوالے سے ادرک کی چائے کو پیٹ پھولنے، قبض اور متلی وغیرہ سے نجات دلانے کے لیے بہترین تصور کیا جاتا ہے۔

پودینے کی چائے

پودینے کی چائے سے بھی پیٹ پھولنے اور گیس کے مسئلے پر قابو پانے میں مدد ملتی ہے۔

پودینے سے نظام ہاضمہ کے مسلز کو سکون ملتا ہے اور اس طرح پیٹ پھولنے کے مسئلے سے بچنے میں مدد ملتی ہے۔

روزانہ ایک امرود کھانے کے 12 حیرت انگیز فوائد

اس میں متعدد غذائی اجزا ہوتے ہیں جن میں وٹامن سی نمایاں ہے مگر اس کے ساتھ ساتھ متعدد اینٹی آکسائیڈنٹس بھی اس پھل کا حصہ ہوتے ہیں۔

سونف

سونف سے غذائی نالی کو سکون ملتا ہے اور اس کے نتیجے میں اضافی گیس زیادہ آسانی سے معدے سے گزر جاتی ہے۔

اس طرح پیٹ پھولنے کے مسئلے کا سامنا نہیں ہوتا۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔