17 دسمبر ، 2024 
پاکستان
ویڈیو: وزیراعلیٰ سندھ کی سکھر آمد، گھر گھر جاکر بچوں کو پولیو کے قطرے پلائے
17 دسمبر ، 2024
سکھر: وزیراعلیٰ سندھ مراد علی شاہ نے سکھر میں دروازوں پر دستک دے کر مکینوں کوبچوں کو انسداد پولیو قطرے پلانے کی ہدایت کی۔
وزیراعلیٰ سندھ مراد علی شاہ پولیو مہم کے سلسلے میں سکھر پہنچے جہاں انہوں نے اپنے دورے کا آغاز پولیو کے خاتمے کی ڈور ٹو ڈور مہم سے کیا۔
وزیراعلیٰ سندھ نے سکھر میں دروازوں پر دستک دے کر شہریوں کو ہدایت کی کہ وہ بچوں کو پولیو کے قطرے ضرور پلائیں۔
اس موقع پروزیراعلیٰ کا کہنا تھا کہ مہم میں شامل ہونا پولیو ٹیم کو خراج تحسین پیش کرنا ہے جب کہ پولیو کے قطرے بچوں کے صحت مند مستقبل کو یقینی بناتے ہیں۔
