13 فروری ، 2025 
مفتی قوی نے راکھی ساونت سے شادی کی تاریخ بھی بتادی
13 فروری ، 2025
مفتی قوی نےگزشتہ دنوں بھارتی اداکارہ راکھی ساونت سے شادی کے لیے مشروط آمادگی کا اظہار کیا تھا جس کے بعد راکھی ساونت نے بھی مثبت ردعمل دیا تھا، اب مفتی قوی نے راکھی ساونت سے شادی کی تاریخ بھی بتادی ہے۔
نجی ٹی وی کے پروگرام میں گفتگو کرتے ہوئے مفتی قوی نے دعویٰ کیا کہ ان کا راکھی ساونت سے نکاح ہونے جارہا ہے۔
خاتون میزبان کے استفسار پر مفتی قوی نے بتایا کہ راکھی ساونت نے نکاح کے لیے 14 فروری کہا ہے۔ مفتی قوی نے میزبان کو بھی پیشکش کی کہ وہ ان کے ساتھ نکاح میں شرکت کریں اور گواہ بنیں۔
مفتی قوی نے سوال کے جواب میں کہا کہ شادی کے بعد راکھی ساونت کا لباس بالکل شریعت والا اور فطرت والا ہوگا۔ مفتی قوی کا کہنا تھا کہ ممکن ہے کہ میرا لباس بھی تبدیل ہوجائے۔
اس سے قبل ایک پوڈکاسٹ میں مفتی قوی نے راکھی سے شادی کے لیے مشروط آمادگی ظاہر کرتے ہوئے کہا تھا کہ اگر ان کی والدہ اجازت دیں گی تو وہ راکھی ساونت سے شادی کے لیے تیار ہیں۔
مفتی قوی کا کہنا تھا کہ میری والدہ نے مجھے حکم دیا ہے کہ جو بھی نکاح کرنا ہے ان سے پوچھ کر کرنا ہے اور کسی کو اپنے نکاح کی تعداد نہیں بتانی۔
بعدازاں راکھی ساونت نے مفتی قوی کی شادی کی پیشکش پر جواب دیتے ہوئے کہا تھا کہ ’میں تو کسی مولانا سے شادی کے لیے مر رہی ہوں، قوی صاحب آپ کے نام میں ہی قوی آتا ہے، میرے لیے ’کویتا‘ (شاعری) لکھیے‘۔
مزید خبریں :
عاطف اسلم کی ویلنٹائن ڈے کی مناسبت سے مزاحیہ ویڈیو وائرل
13 فروری ، 2025
اداکارہ سعدیہ غفار کے ہاں بیٹے کی پیدائش
12 فروری ، 2025
چاہت فتح علی خان نے اپنی میوزک اکیڈمی بنانےکا اعلان کردیا
11 فروری ، 2025
