دماغ کو تیز بنانے کیلئے دن میں کس وقت اخروٹ کھانا بہترین ہوتا ہے؟

اگر آپ دماغ کو تیز اور صحت مند بنانا چاہتے ہیں تو روزانہ اخروٹ کھانا  عادت بنا لیں۔

اخروٹ کی شکل بھی دماغ جیسی ہوتی ہے اور دماغی صحت کیلئے اخروٹ کی اہمیت اور افادیت بھی بہت زیادہ ہے۔

اخروٹ میں اومیگا تھری فیٹی ایسڈ پایا جاتا ہے جبکہ یہ اینٹی آکسائیڈنٹس، منرلز اور وٹامنز کا خزانہ ہوتا ہے۔

مگر سوال یہ ہے کہ دن میں کس وقت اس گری کو کھانا دماغی صحت کے لیے زیادہ مفید ہوتا ہے؟

اخروٹ کھانے کے یہ 10 فوائد آپ کو ضرور پسند آئیں گے

اخروٹ میں چکنائی، فائبر، پروٹین، کاربوہائیڈریٹس، پوٹاشیم، وٹامن ای، میلاٹونین اور پولی فینولز جیسے اجزا موجود ہوتے ہیں۔

تو اس سوال کا جواب برطانیہ میں ہونے والی ایک طبی تحقیق میں دیا گیا ہے۔

ریڈنگ یونیورسٹی کی تحقیق میں بتایا گیا کہ اگر جوان افراد صبح کے وقت اخروٹ کو کھانا عادت بنالیں تو دن بھر ان کے دماغی افعال میں بہتری آتی ہے۔

تحقیق میں دریافت کیا گیا کہ صبح کے وقت 50 گرام اخروٹ کھانے کے عادی افراد دن بھر دماغی طور پر تیز ردعمل ظاہر کرتے ہیں جبکہ ان کی یادداشت بھی دیگر افراد کے مقابلے میں شام میں زیادہ بہتر کارکردگی کا مظاہرہ کرتی ہے۔

اس تحقیق میں 18 سے 30 سال کی عمر کے 32 صحت مند افراد کو شامل کیا گیا تھا جن کو 2 گروپس میں تقسیم کیا گیا۔

وہ آسان عادت جسے اپنا کر آپ ذیابیطس جیسے دائمی مرض کو خود سے دور رکھ سکتے ہیں

ورزش کو معمول بنانے سے دماغ کے ان خلیات کے افعال بہتر ہوتے ہیں جو انسولین پر ردعمل ظاہر کرتے ہیں۔

ایک گروپ کو ناشتے میں اخروٹ کا استعمال دہی میں کرایا گیا جبکہ دوسرے گروپ صحت کے لیے مفید دوسرا ناشتہ کرایا گیا۔

ان افراد کے متعدد دماغی ٹیسٹ بھی کیے گئے جبکہ ناشتے کے 6 گھنٹے بعد دماغی سرگرمیوں کو بھی مانیٹرکیا گیا۔

محققین نے بتایا کہ نتائج سے اس خیال کو تقویت ملتی ہے کہ اخروٹ واقعی دماغی غذا ہے۔

انہوں نے مزید بتایا کہ صبح کے وقت کچھ مقدار میں اخروٹ کھانے سے جوان افراد کو دیگر پر دماغی سبقت حاصل ہو جاتی ہے۔

موجودہ عہد میں جوان افراد قبل از وقت بڑھاپے کے شکار کیوں ہورہے ہیں؟ اہم وجہ دریافت

ہماری غذائی عادات ہمیں قبل از وقت بڑھاپے کا شکار بنا رہی ہیں۔

ان کا کہنا تھا کہ درحقیقت روزمرہ کے معمولات میں اس سادہ تبدیلی کو اپنانا دماغی کارکردگی کو نمایاں حد تک بہتر بنا سکتا ہے۔

اس سے قبل بھی تحقیقی رپورٹس سے ثابت ہوا ہے کہ گریوں بشمول اخروٹ کا استعمال معمول بنانے سے دماغی صحت کو فائدہ ہوتا ہے۔

مگر اس تحقیق میں پہلی بار دریافت کیا گیا کہ دن کے کونسے وقت اخروٹ کا استعمال دماغی افعال کے لیے زیادہ بہتر ہوتا ہے۔

دہی کھائیں اور جوان افراد میں تیزی سے پھیلنے والے امراض سے خود کو بچائیں

روزانہ دہی کھانے کی عادت آپ کو ڈپریشن اور انزائٹی سے تحفظ فراہم کر سکتی ہے۔

محققین کے مطابق نتائج کی تصدیق کے لیے مزید تحقیق کی ضرورت ہے۔

اس تحقیق کے نتائج جرنل فوڈ اینڈ فنکشن میں شائع ہوئے۔