05 اپریل ، 2025 
پاکستان
گھر والوں نے مچھر سے بچاؤ کیلئے چارپائی کےقریب اُپلے جلا رکھے تھے: پولیس/ فائل فوٹو
اوکاڑہ: مچھر سے بچاؤ کیلئے جلائے گئے اُپلوں سے آتشزدگی، 3 کمسن بہن بھائی جھلس کر جاں بحق
05 اپریل ، 2025
اوکاڑ ہ کے نواحی قصبے 31 جی ڈی میں گھر میں آگ لگنے سے 2کمسن بھائی اور ان کی بہن جھلس کر جاں بحق ہوگئی۔
پولیس کےمطابق قصبہ 31 جی ڈی کے رہائشی زاہرے خان کے 3 کمسن بچے ایک ہی چارپائی پر چادر اوڑھے سو رہے تھے اور گھر والوں نے مچھر سے بچاؤ کیلئے چارپائی کے قریب اُپلے جلا رکھے تھے۔
پولیس کے مطابق اُپلوں کی آگ بستر کی چادر کو لگی جس نے تینوں بچوں کو لپیٹ میں لے لیا۔
پولیس نے مزید بتایا کہ آگ سے 4 سالہ شیزہ اور 2سالہ قمرموقع پر ہی جاں بحق ہوگئے جبکہ تیسرے بچے 7 سالہ عبداللہ کو تشویشناک حالت میں اسپتال منتقل کیا گیا مگر وہ بھی جابنر نہ ہوسکا۔
