09 اپریل ، 2025 
ٹیرف پر مذاکرات کرنیوالے ممالک کیلئے ٹرمپ کا تضحیک آمیز انداز، ناقدین کی نقل بھی اتاری
09 اپریل ، 2025
امریکی صدر ڈونلڈ ٹرمپ نے ایک تقریب میں ٹیرف کے معاملے پر امریکا سے بات چیت کے خواہاں ممالک کے حوالے سے تضحیک آمیز انداز اختیار کیا۔
آج نیشنل ری پبلکن کانگریشنل کمیٹی کے عشائیے سے خطاب میں ٹرمپ نے دیگر ممالک کے لیے غیر اخلاقی انداز اپنایا۔
ٹیرف کے معاملے پر بات کرتے ہوئے ٹرمپ نے تضحیک آمیز جملہ استعمال کیا اور کہا کہ دوسرے ملک ٹیرف پر ڈیل کرنے کے لیے مرے جارہے ہیں۔
ٹرمپ نے کہا کہ ممالک فون پر فون کررہے ہیں کہ مہربانی کریں، ہم سب کچھ کرنے کو تیار ہیں۔
ٹرمپ نے خود پر تنقید کرنے والوں کی بھی نقلیں اتاریں اور یہ بھی دعویٰ کیا کہ ان سے بہتر ڈیل کوئی نہیں کرسکتا۔
تقریب سے خطاب میں امریکی صدر ٹرمپ نے کہا کہ ان سے پہلے کے صدور یا تو نا اہل تھے یا بے وقوف تھے۔
