27 مئی ، 2025 
وزیر اعلیٰ پنجاب مریم نواز نے شوگر کے مریض بچوں کیلئے انسولین پروگرام لانچ کر دیا
27 مئی ، 2025
وزیر اعلیٰ پنجاب مریم نواز نے شوگر کے مریض بچوں کیلئے انسولین پروگرام لانچ کر دیا۔
پیر کو وزیر اعلیٰ مریم نواز نے رائیڈرز کے ہمراہ لاہور کے مختلف علاقوں میں مریض بچوں کے گھر جا کرخود 'سی ایم انسولین کارڈ' تقسیم کیے۔
وزیراعلیٰ مریم نواز رائیڈر کے ہمراہ کمسن بچوں کو انسولین کارڈ دینے کیو بلاک سبزہ زار پہنچیں۔
کمسن واسع عدنان ، زینب وحید اور زین شہزاد کو انسولین کارڈ ،گلوکو میٹر،بی ایس آر اسٹرپس اور نیڈل باکس بھی دیا ۔
وزیر اعلیٰ ، واسع عدنان کی دادی سے گلے ملیں اور اہل خانہ سے احوال پوچھا۔مریم نواز نے واسع عدنان کو کار بھجوانے کا وعدہ بھی کیا۔
بچوں نے وزیر اعلیٰ پر پھول نچھاور کیے اور ان کےساتھ تصویریں بھی بنوائیں ۔
اس موقع پر وزیر اعلیٰ مریم نواز کا کہنا تھا کہ شوگر میں مبتلا بچوں کی تکلیف اور پریشانی سمجھ سکتی ہوں ،جوبچے دوا یا انسولین خرید نہیں سکتے ، ان تک حکومت خود پہنچے گی۔
واضح رہے کہ فری انسولین پروگرام کے تحت پہلے مرحلے میں 1500بچوں کو گھر کی دہلیز پر انسولین فراہم کی جائے گی۔
مزید خبریں :
کیا عمران خان کو رہائی ملنی چاہیے؟
2 گھنٹے پہلے
نیپرا نےکراچی کیلئے بڑے سولر منصوبےکی منظوری دے دی
7 گھنٹے پہلے
تھرپارکر میں گرمی کی شدت سے مزید 12 مور ہلاک
9 گھنٹے پہلے
