پیرس… رضا چوہدری …پاکستانی سفارت خانہ پیرس میں یوم پاکستان کے سلسلہ میں ایک پروقار عشائیہ کا اہتما م کیا گیا ،سفیر پاکستان غالب اقبال ملٹری اتاشی نا صر رضا ہمدانی، ڈپٹی ہیڈ ڈاکٹر اعجاز احمد نے فرداً فرداً مہمانوں کا استقبال کیا۔ مہمانوں میں برادر اسلامی ممالک ایران ،ترکی کے علاوہ افریقی ،یورپی اور براعظم مریکہ سمیت درجنوں ممالک کے سفیروں ملٹری اتاشیوں کے علاوہ فرانس قومی اسمبلی کے اسپیکر فرنسوا پیپنو ،فرنچ ایوان بالا کے ارکین اعلیٰ سول وفوجی افسران ،اہم مقامی شخصیات اور پاکستانی کمیونٹی نے بھاری تعدا د میں شرکت گی ۔ اس موقع پر پاکستان اور فرانس کے قومی ترانوں بجائے گئے جس کے بعد پاکستان کی سالگرہ کا کیک کاٹا گیا،اسپیکرقومی اسمبلی فانسوا پاپینو نے جنگ اور جیو سے خصوصی گفتگو کرتے ہوئے کہا کہ ہم فرانس اور پاکستان کی دوستی کو قدر کی نظر سے دیکھتے ہیں۔ یوم پاکستان کے موقع پاکستانی قوم اور خصوصی طور پر فرانس میں مقیم پاکستانی کمیونٹی کو مبارک باد دیتا ہوں میری کوشش ہے کہ پاکستان اور فرانس کے تعلقات کو مزید فروغ دیا جائے اس موقع پر مختلف پاکستانیوں نے یوم پاکستان کے سلسلہ میں پروقار عشائیہ کی تقریب کوسراہتے ہوئے خوشی کا اظہار کیا۔ سفیر پاکستان غالب اقبال نے کہا نے جنگ اور جیو سے گفتگو میں کہاکہ دنیا بھر میں پاکستانی سفارت خانوں میں یوم پاکستان کے حوالہ سے تقریبات کا سلسلہ جاری ہے۔