04 اپریل ، 2013 
پرویز مشرف کا عوامی عدالت میں مقابلہ کروں گا،جاوید ہاشمی
04 اپریل ، 2013
اسلام آباد…تحریک انصاف کے رہنما جاوید ہاشمی نے کہاہے کہ پرویز مشرف کا عوامی عدالت میں مقابلہ کروں گا،اگر وہ بھاگے تو ڈنڈا اٹھا کران کے پیچھے ہوں گا۔ ان کا کہنا تھا کہ مسلم لیگ ن کے 20سابق ارکان قومی اسمبلی تحریک انصاف میں شامل ہونے آئے تھے مگر انہیں پارٹی میں نہیں لیا گیا ،نوجوانوں کو آگے لائیں گے۔ اسلام آباد کے حلقہ این اے 48 سے اپنے کاغذات نامزدگی کی جانچ پڑتال مکمل ہونے کے بعد جاویدہاشمی نے میڈیاسے بات کرتے ہوئے کہا کہ وہ مسلم لیگ ن کی طرف سے پرویز مشرف کے خلاف کوئی بیان نہ آنے پر بہت مایوس ہوئے ہیں ، مشرف نے آئین توڑا اور وہ ایسے شخص کا اصل چہرہ عوام کے سامنے لائیں گے۔ ہائیرایجوکیشن کمیشن سے اپنی اسناد اورنیب کی کلیئرنس سے متعلق جاوید ہاشمی نے کہا کہ ان کی ڈگریاں اصلی ہیں، زندگی میں پڑھنے کے سوا کیا ہی کیا ہے، نیب کی کلیئرنس کاسرٹیفکیٹ بھی ان کیکاغذات کیساتھ لگ جائیگا۔
مزید خبریں :
وزیراعلیٰ پنجاب نے ٹیکس بڑھانے کی تجاویز مسترد کردیں
09 جون ، 2025
عید کے تیسرے روز بھی کراچی کا موسم گرم رہنے کا امکان
09 جون ، 2025
راول ڈیم میں نہاتے ہوئے 3 نوجوان ڈوب کر جاں بحق
09 جون ، 2025
