17 مئی ، 2013 
این اے 250 : 43 پولنگ اسٹیشن پر دوبارہ انتخاب کیلئے سیکیورٹی پلان تیار
17 مئی ، 2013
کراچی … کراچی کے حلقے این اے 250 کے 43 پولنگ اسٹیشن پر انتخاب کیلئے سیکیورٹی پلان کو حتمی شکل دے دی گئی، سیکیورٹی پلان کے مطابق ساوٴتھ زون میں 40 پولنگ اسٹیشن جبکہ ایسٹ زون میں 5 پولنگ اسٹیشن ہوں گے ہر پولنگ اسٹیشن پر پولیس کے 22، رینجرز کے 8 سے 10 اور فوج کے 6 سے 8 جوان تعینات ہونگے ۔ ساوٴتھ زون میں 2300 پولیس اہلکار جبکہ 800 رینجرز اور آرمی کے اہلکار تعینات ہوں گے۔ ایسٹ زون میں پولیس کے 275 اہلکار، جبکہ آرمی اور رینجرز کے 100 اہلکار تعینات کئے جائیں گے، پلان کے مطابق تقریباً 3500 سیکیورٹی اہلکار مجموعی طور پر ڈیوٹی سرانجام دیں گے۔ ریزرو فورس میں پولیس کے 800سے زائد اہلکار موجود ہوں گے، آرمی اور رینجرز کی کوئیک رسپانس فورس اس کے علاوہ ہوگی۔ 6 ایس پیز براہ راست الیکشن سیکیورٹی ڈیوٹی کو سپر وائز کریں گے، پولنگ اسٹیشنز پر اہلکاروں کی تعیناتی کل رات سے شروع ہوجائے گی ۔
مزید خبریں :
وزیراعلیٰ پنجاب نے ٹیکس بڑھانے کی تجاویز مسترد کردیں
09 جون ، 2025
عید کے تیسرے روز بھی کراچی کا موسم گرم رہنے کا امکان
09 جون ، 2025
راول ڈیم میں نہاتے ہوئے 3 نوجوان ڈوب کر جاں بحق
09 جون ، 2025
