30 مئی ، 2013 
قومی اسمبلی:اسپیکر ، ڈپٹی اسپیکر،وزیراعظم کے انتخاب کا شیڈول جاری
30 مئی ، 2013
اسلام آباد…قومی اسمبلی کے نئے اسپیکر ، ڈپٹی اسپیکر اور وزیراعظم کے انتخاب کا شیڈول جاری کر دیا گیا۔اسپیکر اور ڈپٹی اسپیکر کے لیے کاغذات نامزدگی 2 جون کو دن 12 بجے تک جمع کرائے جا سکیں گے، انتخاب 3 جون کو ہو گا۔ 5 جون کو نئے وزیراعظم کا انتخاب کیا جائے گا۔قومی اسمبلی سیکرٹریٹ کی طرف سے جاری شیڈول کے مطابق اسپیکر اور ڈپٹی اسپیکر کے لیے کاغذات نامزدگی 2 جون کو دن 12 بجے تک جمع کرائے جا سکیں گے، اسی روز دو بجے تک کاغذات نامزدگی کی جانچ پٹرتال ہو گی۔وزیراعظم کے لیے کاغذات نامزدگی چار جون کو دوپہر دو بجے تک جمع کرائے جا سکیں گے،کاغذات کی جانچ پٹرتال اسی روز چار بجے تک ہو گی اور 5 جون کو نئے وزیراعظم کا انتخاب ہو گا۔اسپیکر کے انتخاب کیلئے موجودہ اسپیکر فہمیدہ مرزا پریذائیڈنگ افسر ہوں گی جبکہ نئے وزیراعظم اور ڈپٹی اسپیکر کیلئے نو منتخب اسپیکر پریڈائیڈنگ افسر ہو گا۔
مزید خبریں :
وزیراعلیٰ پنجاب نے ٹیکس بڑھانے کی تجاویز مسترد کردیں
09 جون ، 2025
عید کے تیسرے روز بھی کراچی کا موسم گرم رہنے کا امکان
09 جون ، 2025
راول ڈیم میں نہاتے ہوئے 3 نوجوان ڈوب کر جاں بحق
09 جون ، 2025
